Црна хроника
Неготинец со лажни огласи на интернет измамил четири лица
СВР Тетово поднесе кривична пријава против Д.К.(33) од Неготино поради постоење основи на сомнение за сторени четири кривични дела измама.
Во текот на 2016 пријавениот ги извршувал кривичните дела на начин што на интернет отворил оглас на кој нудел посредување за добивање работна виза во странство и се претставувал под различни имиња, при што на оштетените Ф.С.(27) од с.Шемшово – Tетовско, Х.В. (47), С.С. (38) и Р.А. (33) од Тетово, им ја давал неговата трансакциска сметка за да извршат уплата на парични средства од 180 до 2.000 евра, а по извршената уплата им барал да достават фотографија од извршените уплатници преку социјалната мрежа и потоа ги блокирал сите четири мобилни телефони што ги користел.
На оштетените им е причинета материјална штета во износ од 226.320 денари. Од полициски службеници бил извршен претрес во неговото возило и биле пронајдени парични средства во висина од 1.309.000 денари, како и документација со пишани лични податоци од оштетените лица. Пријавениот повеќе од две години се криел во станови и изнајмени престојувалишта на подрачјето на Скопје и од страна на полициски службеници од одделението за потраги, во соработка со Надворешната канцеларија за криминалистички работи Неготино, е лишен од слобода и предаден за издржување казна затвор во КПУ Затвор Идризово.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривични за родителите кои им дозволиле на нивните малолетни деца да живеат вонбрачно
Надворешната канцеларија за криминалистички работи Берово поднесе две кривични пријави против Н.Ф.(38) и С.Ф.(34), двајцата од Пехчево и В.Т.(54) од Кочани поради постоење основи на сомнение за сторено кривично дело „вонбрачен живот со дете“.
Пријавените, во период од втората половина на 2023 до 22.02.2024 им овозможиле на нивните малолетни деца, кои се во љубовна врска, да живеат вонбрачно, објави МВР во гдневниот билтен.
Црна хроника
Teтетовец со украдено возило направил сообраќајка
Полицијата поднесе кривична пријава против Л.А.Т. (18) од Тетово поради „тешка кражба“ во обид, „одземање на моторно возило“ и „кражба“.
На 03.02.2024, пријавениот со погоден предмет се обидел да влезе во куќа во Тетово, но бил затекнат од сопственикот.
На 10.02.2024 во двор од куќа одзел патничко возило „цитроен“, а во текот на истиот ден од плац на лице од Тетово одзел мотоцикл „јамаха“, кој го оставил во с.Долно Седларце, тетовско, заедно со патничкото возило, откако направил сообраќајна незгода, објави МВР.
Црна хроника
Се степале вработени во болница во Карпош
Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени во установата.
По целосно документирање на случајот ќе следува соодветен поднесок, објави МВР во дневниот билтен.