Црна хроника
Обвинение за 20-годишно момче зависник од дрога
Основното јавно обвинителство Скопје поднесе обвинителен акт против едно лице за неовластено производство и пуштање во промет на наркотични дроги, психотропни супстанции и прекурсори од чл.215 ст.1 во врска со чл.12 ст.2 од Кривичниот законик. Обвинетиот 20-годишник се товари дека делото го сторил во состојба на битно намалена пресметливост поради хронично психичко нарушување предизвикано од зависност од марихуана и стимуланси.
„Во ваква состојба на битно намалена способност да го сфати значењето на своето дело или способноста да управува со своите постапки, обвинетиот на 18 септември кај себе држел наркотична дрога и психотропни супстанции: 89 таблети со светлозелена боја и неправилна форма, како и прашеста материја со тежина од 0,31 грам со активна компонента – 3,4 метилен-диоксиметамфетамин (MDMA). Освен ова, при личен претрес кај него биле пронајдени и 1,96 грама марихуана. Дополнително, при претрес на домот на обвинетиот биле пронајдени две полиетиленски пакувања со психотропна супстанца амфетамин со вкупна тежина од 12,71 грама.
Надлежниот јавен обвинител до Основниот кривичен суд Скопје достави предлог за продолжување на претходно определената мерка притвор за обвинетиот, со цел да се обезбеди неговото присуство во текот на кривичната постапка. Освен ова, со оглед на состојбата на обвинетиот, јавниот обвинител на Судот му предложи со изрекување на казната да изрече и мерка на безбедност задолжително лекување од зависности“, се наведува во соопштението на обвинителството.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривични за родителите кои им дозволиле на нивните малолетни деца да живеат вонбрачно
Надворешната канцеларија за криминалистички работи Берово поднесе две кривични пријави против Н.Ф.(38) и С.Ф.(34), двајцата од Пехчево и В.Т.(54) од Кочани поради постоење основи на сомнение за сторено кривично дело „вонбрачен живот со дете“.
Пријавените, во период од втората половина на 2023 до 22.02.2024 им овозможиле на нивните малолетни деца, кои се во љубовна врска, да живеат вонбрачно, објави МВР во гдневниот билтен.
Црна хроника
Teтетовец со украдено возило направил сообраќајка
Полицијата поднесе кривична пријава против Л.А.Т. (18) од Тетово поради „тешка кражба“ во обид, „одземање на моторно возило“ и „кражба“.
На 03.02.2024, пријавениот со погоден предмет се обидел да влезе во куќа во Тетово, но бил затекнат од сопственикот.
На 10.02.2024 во двор од куќа одзел патничко возило „цитроен“, а во текот на истиот ден од плац на лице од Тетово одзел мотоцикл „јамаха“, кој го оставил во с.Долно Седларце, тетовско, заедно со патничкото возило, откако направил сообраќајна незгода, објави МВР.
Црна хроника
Се степале вработени во болница во Карпош
Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени во установата.
По целосно документирање на случајот ќе следува соодветен поднесок, објави МВР во дневниот билтен.