Црна хроника
Обвиненија за џепчии кои краделе мобилни телефони од случајни минувачи во Скопје
Скопското основно јавно обвинителство поднесе обвиненија за две лица за сторено кривично дело кражба.
Со обвинениeто се товарат две лица кои како соизвршители сториле кривично дело, кога на 6 март на автобуската станица „Рекорд“ во центарот на Скопје одзеле мобилен телефон марка „алкател“ во вредност од 15.000 денари.
Тие го искористиле невниманието на оштетената, па од џебот на нејзината јакна го одзеле телефонот и се оддалечиле од местото на настанот. Меѓутоа, биле забележани од полициски службеници и уапсени.
Eдно од лицата се товари и за кражба која ја извршил на 4 ноември минатата година на улицата Народен фронт во Скопје, кога украл мобилен телефон марка „моторола Е5“ во вредност од 20.000 денари.
Кражбата ја извршил од паркирано возило во близина на маркет „Кам“. Обвинетиот го искористил невниманието на оштетениот кој вршел достава во продавницата, па ја отворил вратата од комбето „Мерцедес“ и го зел мобилниот телефон кој се наоѓал на седиштето.
Јавниот обвинител кој постапува во предметот до судот доставил посебен предлог за продолжување на мерката куќен притвор за еден од обвинетите за кого судот ја имаше веќе определено оваа мерка на 6 март, а во траење од 8 дена.
За вториот обвинет судот на 6 март определи мерки на претпазливост, но обвинителството, ценејќи дека постои неопходност од обезбедување присуство на обвинетиот за водење на кривичната постапка, предложи судот да му определи мерка притвор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Србин претепал скопјанец по недоразбирање во сообраќајот
Во 02.15 часот во Скопје, полициски службеници од Полициската станица Аеродром го лишиле од слобода М.И.(26) од Република Србија, постапувајќи по претходна пријава дека околу 21.15 часот на 28.03.2024 на подрачјето на општина Аеродром во Скопје, по претходно недоразбирање во сообраќајот, физички го нападнал Д.Ј.(21) од Скопје.
Притоа, Д.Ј. се здобил со тешки телесни повреди констатирани во Комплекс клиники „Мајка Тереза“.
По целосно документирање на случајот ќе следува соодветен поднесок.
Црна хроника
Инспектори затекнале диви менувачници на Бит-пазар и им дозволиле да работат, кривична за шест лица
Единицата за економски и компјутерски криминал при СВР Скопје поднесе кривична пријава против шест службени лица – инспектори, вработени во Државен пазарен инспекторат, и тоа: С.Б.(32), Ј.Р.(54), В.М.(47), Б.С.(46),С.С.(61) и Р.Б.(37), сите од Скопје, за сторено кривично дело „злоупотреба на службена положба и овластување“ од чл 353 од КЗ на РСМ, соопшти денеска МВР.
Во текот на март и април 2023 година, преземајќи службени дејствија и вршејќи контрола кај три објекти обележани како менувачници, лоцирани во близина на Бит Пазар, Скопје, за кои било утврдено дека не биле регистрирани како правни лица и не поседувале лиценци издадени од НБРМ за вршење менувачко работење, а подолг временски период работеле како менувачници, пријавените, како што стои во соопштението, согласно Законот за забрана и спречување на вршење на нерегистрирана дејност согласно кој истите сами навеле дека постапуваат, на затекнатите лица во дивите менувачници биле должни да им изречат решение за забрана за вршење на дејност, да им ги запечатат објектите, да им ги одземат предметите, опремата и средствата со кои е направен прекршокот, како и да им изречат глоба во износ од 1000 до 20.000 евра во денарска противвредност.
– Но, пријавените пазаришни инспектори ги прекршиле сите одредби од наведениот закон и во три извршени вонредни инспекциски надзори на затекнатите лица во сите три објекти како менувачници, ниту им издале решение за забрана за вршење на нерегистрирана дејност, ниту им ги запечатиле просториите каде што ја вршеле противзаконската активност, ниту им ги одзеле средствата, предметите и опремата со кои е направен прекршокот ниту пак им изрекле глоба во износ од 1.000 до 20.000 евра. Напротив, во сите три извршени вонредни надзори на сите три менувачници на секој од сопствениците им изрекле еднократна парична глоба во износ од 80 евра во денарска противредност и ги оставиле и понатаму менувачниците редовно да работат, со што постапиле спротивно на законот за забрана и спречување на вршење на нерегистрирана дејност и со неизвршување на својата службена должност го сториле кривичното дело „злоупотреба на службената положба и овластување“, појаснуваат од МВР во соопштението.
Црна хроника
Крадел во викенд-куќа во Берово: уапсен 36-годишен маж
Вчера, во 18.40 часот, во викенд-куќа на улицата Туристичка во Берово, полициски службеници од Полициската станица Берово го лишиле од слобода Б. Ч. (36) од Берово.
Тој бил затекнат при извршување кривично дело тешка кражба од викенд-куќата, од каде што одзел повеќе предмети.
Бил задржан во полициска станица и во службен разговор признал уште едно кривично дело тешка кражба од друга викенд-куќа.
Некои од одземените предмети биле пронајдени и вратени на оштетените граѓани. По комплетирање на случаите, против Б. Ч. ќе бидат поднесени соодветни пријави.