Црна хроника
Отворена истрага за тетовци кои нападнале малолетник и му одзеле пари и телефон
Основното јавно обвинителство Тетово донесе наредба за спроведување истражна постапка против две лица поради основано сомнение дека го извршиле разбојништво.
Двајцата тетовци на возраст од 22 и 21 година, на 14 октомври, со сила и закана употребена врз оштетениот, 17-годишен нивен сограѓанин, одзеле подвижни предмети со намера противправно да ги присвојат.
Откако сторителите го пресретнале оштетениот на улица, го сопреле и го удирале со тупаници, по што со закана од него одзеле 1.000 денари кои ги имал со себе и мобилен телефон марка „ајфон 5“.
Надлежниот обвинител му предложи на судот да определи мерка притвор за осомничените лица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Охриѓанец се однесувал агресивно кон полицајци, тврди дека полицијата употребила сила кон него
Вчера, во 14.25 часот, на улицата Марко Цепенков во Охрид, полициски службеници од СВР Охрид го приведоа Ј. М. (46) од Охрид, кој се однесувал агресивно кон полициски службеници што извршувале службени дејства.
При приведувањето бил извршен преглед кај него, при што била пронајдена и одземена марихуана.
Во врска со настанот Ј. М. пријавил дека при преземањето мерки кон него полициските службеници употребиле прекумерна сила, при што добил тешки телесни повреди.
За настанот биле известени јавен обвинител и Одделот за внатрешна контрола, криминалистички истраги и професионални стандарди при МВР. По целосно документирање на случајот, ќе биде поднесена соодветна пријава.
Црна хроника
156 санкции за брзо возење на територијата на Македонија
Во текот на вчерашниот ден Министерството за внатрешни работи спроведе акциска контрола на територијата на Република Северна Македонија за санкционирање возила што се движат со брзина поголема од дозволената, при што санкционирани се 156 возачи.
Од нив, пет возила се движеле со брзина над 50 километри на час повеќе од дозволеното. Притоа 73 возила ја пречекориле брзината во населено место, а 83 надвор од населено место.
Црна хроника
Кој кого тепал – Семејна драма во Драчево
26-годишна жена вчера во 13.53 часот во СВР Скопје пријавила дека во домот на подрачјето на Драчево била физички нападната од нејзиниот 39 – годишен сопруг.
Полицијата информира дека исто така, во 14.10 часот, 39 – годишниот сопруг пријавил дека во домот бил физички нападнат од неговата 26 – годишна сопруга.
Според надлежните, се преземаат мерки за расчистување на случајот.