Црна хроника
Пет лица повредени во сообраќајна несреќа меѓу камион и автобус
Пет лица се повредени во сообраќајна несреќа што се случила вчера на автопатот Скопје – Велес меѓу камион и автобус.
Според информациите на МВР, вчера, во 12.20 часот, кај населбата Дрма се случила сообраќајна незгода помеѓу товарно моторно возило „застава“, со струмички регистарски ознаки, управувано од А. Р. (27) од Струмица, и автобус „јутонг“, со скопски регистарски ознаки, управувано од И. Ц. (28) од Скопје.
Во незгодата телесни повреди добиле двајцата возачи, како и патниците во автобусот Ф. Ц. (29), К. Т. (36) и П. А. (18), сите од Скопје, по што биле пренесени во Градската општа болница „Свети Наум Охридски“ за укажување лекарска помош.
Извршен бил увид на местото на настанот од екипа од СВР Скопје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Се трага по 86-годишно лице од Скопје
Вчера во 13.20 часот во Полициската станица Ѓорче Петров, С.Д.(60) од Скопје пријавил дека од домот се оддалечил неговиот татко Б.Д.(86) од Скопје.
Се преземаат мерки за пронаоѓање на лицето.
Црна хроника
Тепачка помеѓу колешки во средно училиште во Битола
На 18.04.2024 во СВР Битола, Х.Т. (28) од Битола пријавила дека во средно училиште во Битола била физички нападната од нејзината колешка.
Се преземаат мерки за расчистување на настанот.
Црна хроника
Две лица искасани од кучиња скитници во Скопје
Вчера, во 14.15 часот, во Полициската станица Карпош, Т. А. (78) од Скопје пријавила дека на улицата Петар Чаулев во Скопје била касната од куче скитник.
Истиот ден, во 21.15 часот, во Полициската станица Аеродром, Т. Т. (18) од Скопје пријавила дека на улицата Владимир Комаров во Скопје била касната од куче скитник.