Црна хроника
Петмина осомничени за нападот на полицајците во Шуто Оризари
Основното јавно обвинителство Скопје отвори истрага против пет лица кои се осомничени дека ги претепале тројцата полицајци во Шуто Оризари во понеделникот.
Според досегашните сознанија на обвинителството, осомничените се сомневале дека оштетените лица, односно полицајците наводно грабнале дете од Шуто Оризари. Тие ги пресретнале тројцата полицајци и насилно ги извлекле од автомобил ‘хјундаи галопер’ без регистарски таблички.
„Иако тројцата оштетени им кажале дека не знаат за што се работи, а еден се легитимирал со службена легитимација и им кажал дека е вработен во МВР, петтемина осомничени физички ги нападнале, удирајќи ги со тупаници и клоци“, велат од обвинителството.
Еден од повредените е во животна опасност, додека останатите двајца здобиле телесни повреди. Со ваквите дејства, се наведува во соопштението на ОЈО, осомничените кај другите присутни предизвикале чувство на несигурност, загрозување и страв.
Од обвинителството до Основниот суд Скопје 1 е испратен предлог за определување притвор за петтемина осомничени. Сите се товарат за кривично дело „насилство“.
Министерот за внатрешни работи, Оливер Спасовски, вчера изјави дека полицајците биле приватно во Шуто Оризари по претходна дојава дека се случуваат наводни киднапирања на деца во општината. Дојавата ја добиле по „Фејсбук“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.