Црна хроника
Поради дрога, уапсен Србин, кој во земјата нелегално престојувал од 2013
Обвинител од Основното јавно обвинителство Гостивар донесе наредба за спроведување истражна постапка во три одделни предмети оформени против лица кај кои при претрес била пронајдена марихуана.
Кај еден од осомничените е пронајдена марихуана со тежина од 400 грама, што ја криел во куќа на свој роднина. Осомничениот е државјанин на Република Србија, од каде што преминал во нашата држава и од 2013 година тука илегално престојувал. За осомничениот, српските органи имаат распишано меѓународна потерница за сторени други кривични дела.
Кај второто лице, жител на Гостивар, биле пронајдени 10 грама марихуана, а во третиот предмет, осомничениот, кој е жител на кичевско село, во својот дом криел 29 грама марихуана и 39 семки од растителна материја од непознато потекло.
Од Обвинителството информираат дека лицата се осомничени за сторени кривични дела неовластено производство и пуштање во промет на наркотични дроги, психотропни супстанции и прекурсори.
Јавниот обвинител донел наредба за вештачење на пронајдениот материјал, а Обвинителството до судија на претходна постапка за сите тројца осомничени побарало изрекување мерка притвор ценејќи дека се исполнети основите, при што судијата од Основниот суд во Гостивар на сите тројца им определил мерка притвор во траење од 30 дена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.
Црна хроника
Ограбиле менувачница во Чаир, украле сеф со пари и избегале со возило без таблички
Вчера во 10.15 часот во СВР Скопје, М.Д.(42) од Скопје пријавил дека околу 04.20 часот неколку лица со употреба на сила и погоден предмет влегле во неговата менувачница на подрачје на Чаир и одзеле сеф со пари, по што заминале со патничко возило „фолксваген џета“ без регистарски ознаки.
По преземени мерки и активности, возилото било пронајдено на паркинг простор на подрачје на Чаир.
Се преземаат мерки за целосно расчистување на случајот.
Црна хроника
Скопјанец нападнал вработена во нотарска канцеларија
Скопјанец нападнал вработена во нотарска канцеларија.
На 16.04.2024 во 11.45 часот во СВР Скопје било пријавено дека во нотарска канцеларија во Скопје, Б.Ј. од Скопје физички нападнал една вработена.
Се преземаат мерки за расчистување на случајот.