Црна хроника
Приведени двајца малолетници од Батинци кои ограбиле четворица таксисти
Скопската полиција приведе двајца малолетници од селото Батинци поради сомнение дека за помалку од десет дена со закани ограбиле четворица таксисти.
Како што информираат од МВР, првото кривично дело било извршено на 20 октомври во 2 часот по полноќ при што на 39-годишен таксист на улица „1“ бб во селото Батинци со закана му биле одземени пари.
Потоа, на 22 октомври во близина на месноста Јурија во нивното родно село, малолетниците ограбиле 53-годишен таксист од Скопје, така што откако едниот се симнал од возилото, другиот со закана ги одзел парите.
Третото кривично дело се случило на 24 октомври, кога малолетните деликвенти во село Батинци, над Дрисла, насилно одзеле пари и физички нападнале 57-годишен таксист.
Последното злодело разбојниците го извршиле на 29 октомври, на регионалниот пат Скопје – Козјак, во близина на угостителски објект, кога на 55-годишен таксист со закана му одзеле пари и лични предмети.
По преземени мерки, полицијата извршила претрес во домовите на Н.М.и В.Ш., родители на малолетниците, и одзеле предмети кои биле користени при извршување на разбојништвата.
Приведените малолетници, во присуство на родителите ги признале делата, а воедно извршено е и препознавање на сторителите од страна на оштетените таксисти.
По комплетно документирање на случајот, против двајцата разбојници ќе биде поднесена кривична пријава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривични за родителите кои им дозволиле на нивните малолетни деца да живеат вонбрачно
Надворешната канцеларија за криминалистички работи Берово поднесе две кривични пријави против Н.Ф.(38) и С.Ф.(34), двајцата од Пехчево и В.Т.(54) од Кочани поради постоење основи на сомнение за сторено кривично дело „вонбрачен живот со дете“.
Пријавените, во период од втората половина на 2023 до 22.02.2024 им овозможиле на нивните малолетни деца, кои се во љубовна врска, да живеат вонбрачно, објави МВР во гдневниот билтен.
Црна хроника
Teтетовец со украдено возило направил сообраќајка
Полицијата поднесе кривична пријава против Л.А.Т. (18) од Тетово поради „тешка кражба“ во обид, „одземање на моторно возило“ и „кражба“.
На 03.02.2024, пријавениот со погоден предмет се обидел да влезе во куќа во Тетово, но бил затекнат од сопственикот.
На 10.02.2024 во двор од куќа одзел патничко возило „цитроен“, а во текот на истиот ден од плац на лице од Тетово одзел мотоцикл „јамаха“, кој го оставил во с.Долно Седларце, тетовско, заедно со патничкото возило, откако направил сообраќајна незгода, објави МВР.
Црна хроника
Се степале вработени во болница во Карпош
Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени во установата.
По целосно документирање на случајот ќе следува соодветен поднесок, објави МВР во дневниот билтен.