Црна хроника
Приведени шверцери на мигранти од Студеничани, се обиделе да ѝ побегнат на полицијата
Регионалниот центар за гранични работи „Југ“ поднесе кривични пријави против А. Р. (23) и А. Б. (28), двајцата од скопското село Студеничани, поради сомнение за сторено кривично дело шверцување мигранти.
Пријавените, на 16 февруари, во 20.50 часот, на автопатот Гевгелија – Демир Капија, кај клучката кај Миравци, движејќи се со „мерцедес“ со бугарски национални ознаки, кое го управувал првопријавениот, не застанале на знакот за запирање од полициски службеници.
Набргу потоа возилото го оставиле на автопатот и се дале во бегство.
Во возилото биле пронајдени деветмина мигранти (7 од Индија и по едно лице од Авганистан и од Пакистан), а исто така, по преземените мерки и активности, биле пронајдени и пријавените, кои биле приведени во полициска станица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.
Црна хроника
Ограбиле менувачница во Чаир, украле сеф со пари и избегале со возило без таблички
Вчера во 10.15 часот во СВР Скопје, М.Д.(42) од Скопје пријавил дека околу 04.20 часот неколку лица со употреба на сила и погоден предмет влегле во неговата менувачница на подрачје на Чаир и одзеле сеф со пари, по што заминале со патничко возило „фолксваген џета“ без регистарски ознаки.
По преземени мерки и активности, возилото било пронајдено на паркинг простор на подрачје на Чаир.
Се преземаат мерки за целосно расчистување на случајот.
Црна хроника
Скопјанец нападнал вработена во нотарска канцеларија
Скопјанец нападнал вработена во нотарска канцеларија.
На 16.04.2024 во 11.45 часот во СВР Скопје било пријавено дека во нотарска канцеларија во Скопје, Б.Ј. од Скопје физички нападнал една вработена.
Се преземаат мерки за расчистување на случајот.