Црна хроника
Приведени петмина дрвокрадци во Прилепско, одземени приближно 11 кубни метри дрва
Полициски службеници од Прилеп вчера извршиле засилени контроли на повеќе локации во Прилеп за откривање случаи на бесправно сечење огревни дрва.
Како што информираат од МВР, притоа во повеќе возила биле пронајдени и одземени околу 11 кубни метри огревни дрва, кои ѝ биле предадени на Шумската полиција за понатамошна постапка, а лицата што ги управувале биле лишени од слобода и против нив ќе биде поднесена соодветна пријава.
На патниот правец Плетвар – село Царевиц биле затекнати четири патнички возила натоварени со бесправно исечени огревни дрва, и тоа: патничко возило „фолксваген поло“, со прилепски регистарски ознаки, управувано од В. С. (35) од Прилеп, а сопатник бил Т. Р. (32) од Прилеп, патничко возило „опел астра“, со охридски регистарски ознаки, управувано од В. Р. (45) од Прилеп, патничко возило „сеат толедо“, со прилепски регистарски ознаки, управувано од Д. Д. (47) од Прилеп, и патничко возило „фолксваген голф“, со прилепски регистарски ознаки, управувано од А. П. (45) од Прилеп.
На патот кон вештачкото езеро, во близина на селото Дервен, биле пронајдени две оставени возила „лада нива“, од кои едното било натоварено со дрва.
Над манастирот „Св. Ѓорѓи“ биле пронајдени и подигнати бесправно исечени огревни дрва, а на местото наречено Борила и на местото наречено Леково биле пронајдени две, односно четири запрежни коли натоварени со огревни дрва.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Жена истепана од својот вонбрачен партнер во центарот на Скопје
Вчера попладне во 13.00 часот во СВР Скопје, 48-годишна жена пријавила дека на 21.04.2024 околу 00.15 часот на подрачјето на Центар била физички нападната од нејзиниот вонбрачен партнер, 49-годишниот М.М. од Скопје, извести МВР.
По целосно документирање на случајот ќе следува соодветен поднесок.
Црна хроника
Расправија околу сообраќајна незгода заврши со тепачка меѓу двајца скопјани
Вчера попладне во 17.30 часот во СВР Скопје било пријавено дека на подрачјето на Ѓорче Петров, по расправија околу претходно случена сообраќајна незгода, бил нарушен јавниот ред и мир со физичка пресметка помеѓу 60-годишниот В.А. и 34-годишниот М.Ч., двајцата од Скопје, извести МВР.
По целосно документирање на случајот ќе следува соодветен поднесок.
Црна хроника
Во Тетовско, во предизборен молк се лепел пропаганден материјал, полицијата го расчистува случајот
Денеска во 01.05 часот полициски службеници од СВР-Тетово постапиле по пријава дека лица кои биле со патничко моторно возило, во тетовски села, во период на предизборен молк, лепат пропаганден материјал за претстојните претседателски избори, при што во тетовско Синичане биле затекнати Р.Р.(19) и малолетник, двајцата од истото село, како поставуваат пропагандни материјали за кандидат за претседател на претстојните претседателски избори, извести МВР.
Со нив е извршен службен разговор во Полициско одделение-Камењане, известен е јавен обвинител и се преземаат мерки за расчистување на случајот.