Црна хроника
Приведени четворица разбојници во Гевгелија – нападнале човек му го одзеле автомобилот, парите и мобилниот телефон
Приведени четворица разбојници во Гевгелија, кои нападнале 22-годишно лице, му го одзеле возилото, но и пари, мобилен телефон и други предмети.
Според информациите, се работи А. К. (23) од село Прдејци, Гевгелиско, Л. Б. (23) од Гевгелија, Р. В. (28) од село Стојаково, Гевгелиско и С. М. И. (29) од Гевгелија.
Тие на 26.4.2022, околу 1 часот, на улицата Миле Пецанов во Гевгелија, физички го нападнале Ј. К. (22) од Неготино и му го одзеле патничкото моторно возило „бмв“, со неготински регистарски ознаки, но и пари, мобилен телефон и други предмети, кои биле во возилото.
За настанот бил запознаен јавен обвинител од Основното јавно обвинителство Гевгелија, а во текот на вчерашниот ден против лицата била поднесена кривична пријава поради сомнение за сторено кривично дело разбојништво по член 237 став 4 од Кривичниот законик по што од судија на претходна постапка им била определена мерка домашен притвор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.