Црна хроника
Приведен дилер на дрога во Струшко
Полицијата уапси 49-годишен жител на село Заграчани, Струга, осомничен за продажба на марихуана, која ја набавил од Албанија. Со одлука на судот определена му е мерка притвор од 30 дена.
Според информациите на МВР, по спроведена истрага во врска со реализиран случај на недозволена трговија со марихуана, во кој беше запленета дрога од пет килограми, на 11 мај поднесена е кривична пријава против Ф. Д. (55) од Албанија и З. А. (48) од Струга поради постоење на основано сомнение за сторено кривично дело неовластено производство и пуштање во промет наркотични дроги, психотропни супстанции и прекурсори.
Во текот на ноември лани Ф. Д. извршил неовластена набавка и транспорт на марихуана од територијата на Албанија во Северна Македонија, која З. А. ја чувал во семејната куќа во село Заграчани со цел понатамошна продажба.
Притоа, Ф. Д. и З. А. се сретнале во семејната куќа на З. А., каде што било извршено предавањето на марихуаната и ја презел Р. А., кој ја сместил во автомобил „опел корса“ по што се упатил во правец на Кичево. Од полициски службеници било сопрено возилото управувано од Р. А. и по извршен преглед на возилото, во предниот дел на подот пред совозачкото седиште пронајдени биле пет најлонски пакувања со марихуана.
По извршеното вештачење, било утврдено дека се работи за вкупна нето-маса од 5.019,6 грама марихуана.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.