Црна хроника
Притвор за прилепски дилери на дрога кои пет месеци продавале марихуана, кокаин, хероин и амфетамин
Прилепското сновно јавно обвинителство донесе наредба за истражна постапка против четири лица, за кои постои сомневање дека како соизвршители сториле продолжено кривично дело неовластено производство и пуштање во промет на наркотични дроги.
Осомничените прилепчани, на возраст од 31 до 35 години, во временскиот период од септември 2020 година до февруари годинава, неовластено набавувале, пренесувале, држеле и продавале марихуана, кокаин, хероин и амфетамин.
Тие откако ќе ја набавеле дрогата, во нивните домови ја подготвувале за натамошна продажба, препакувајќи ја во помали пакувања.
По меѓусебни телефонски разговори, прво и второосомничениот неовластено продавале и воедно ги ангажирале трето и четвртоосомничениот да вршат продажба на дрогата во различни количини и по различна цена, давајќи им инструкции и насоки како да ја вршат продажбата.
Судијата на претходна постапка на осомничените им определил мерка притвор со траење од 30 дена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Жена истепана од својот вонбрачен партнер во центарот на Скопје
Вчера попладне во 13.00 часот во СВР Скопје, 48-годишна жена пријавила дека на 21.04.2024 околу 00.15 часот на подрачјето на Центар била физички нападната од нејзиниот вонбрачен партнер, 49-годишниот М.М. од Скопје, извести МВР.
По целосно документирање на случајот ќе следува соодветен поднесок.
Црна хроника
Расправија околу сообраќајна незгода заврши со тепачка меѓу двајца скопјани
Вчера попладне во 17.30 часот во СВР Скопје било пријавено дека на подрачјето на Ѓорче Петров, по расправија околу претходно случена сообраќајна незгода, бил нарушен јавниот ред и мир со физичка пресметка помеѓу 60-годишниот В.А. и 34-годишниот М.Ч., двајцата од Скопје, извести МВР.
По целосно документирање на случајот ќе следува соодветен поднесок.
Црна хроника
Во Тетовско, во предизборен молк се лепел пропаганден материјал, полицијата го расчистува случајот
Денеска во 01.05 часот полициски службеници од СВР-Тетово постапиле по пријава дека лица кои биле со патничко моторно возило, во тетовски села, во период на предизборен молк, лепат пропаганден материјал за претстојните претседателски избори, при што во тетовско Синичане биле затекнати Р.Р.(19) и малолетник, двајцата од истото село, како поставуваат пропагандни материјали за кандидат за претседател на претстојните претседателски избори, извести МВР.
Со нив е извршен службен разговор во Полициско одделение-Камењане, известен е јавен обвинител и се преземаат мерки за расчистување на случајот.