Црна хроника
Притвор за тетовецот кај кого беше пронајдена поголема количина дрога
Определен е 30-дневен притвор за тетовецот во чиишто објекти пред два дена беше извршен претрес и беше пронајдена поголема количина на наркотични супстанци, соопшти обвинителството.
Педесет и четиригодишниот жител на Тетово се товари за неовластено производство и пуштање во промет на дрога.
При претресот на домот и помошните простории во една од собите на кат беа пронајдени 992 грама наркотична дрога марихуана, околу 13 литри засега непозната течност, дигитална вага, дрвена дробилка, шприцеви и други предмети и материи. При претресот на другиот објект, пак, беше пронајдено поголемо количество, околу 40 килограми, наркотична дрога марихуана спакувана во над 70 полиетиленски ќеси со различна големина, како и ќеса со семки од растителна материја.
По наредба на Јавен обвинител била извршена фото и видеодокументација на пронајдените предмети при претресот, а предметите биле подигнати и испратени на вештачење.
За изминативе два месеца при претреси и полициски акции полицијата има откриени околу 200 дилери и уживатели на дрога на тетовско-гостиварското подрачје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.
Црна хроника
Ограбиле менувачница во Чаир, украле сеф со пари и избегале со возило без таблички
Вчера во 10.15 часот во СВР Скопје, М.Д.(42) од Скопје пријавил дека околу 04.20 часот неколку лица со употреба на сила и погоден предмет влегле во неговата менувачница на подрачје на Чаир и одзеле сеф со пари, по што заминале со патничко возило „фолксваген џета“ без регистарски ознаки.
По преземени мерки и активности, возилото било пронајдено на паркинг простор на подрачје на Чаир.
Се преземаат мерки за целосно расчистување на случајот.
Црна хроника
Скопјанец нападнал вработена во нотарска канцеларија
Скопјанец нападнал вработена во нотарска канцеларија.
На 16.04.2024 во 11.45 часот во СВР Скопје било пријавено дека во нотарска канцеларија во Скопје, Б.Ј. од Скопје физички нападнал една вработена.
Се преземаат мерки за расчистување на случајот.