Црна хроника
Притвор од 30 дена и кривична пријава за 41-годишниот скопјанец поради криумчарење мигранти
Регионалниот центар за гранични работи Југ до Основното јавно обвинителство во Скопје поднесе кривична пријава против 41-годишниот скопјанец поради основано сомнение за сторено кривично дело „криумчарење на мигранти” по член 418-б став 4 од Кривичниот законик.
Од страна на судија за претходна постапка на пријавениот му е одредена и мерка притвор во времетраење од 30 дена.
„Како што веќе информиравме на 1.09.2018 година во 17:30 часот на автопатот Гевгелија–Скопје, кај село Прдејци, од страна на полициски службеници од Полициската станица за граничен премин и граничен надзор ‘Богородица’, било забележано патничко моторно возило ‘хонда’ со скопски регистерски таблици во кое имало мигранти, како со голема брзина се упатило во правец кон Скопје. Полициските службеници се упатиле по возилото и по клучката Миравци, возилото запрело, мигрантите излегле од него, а возилото продолжило со движење“, стои во соопштението на МВР.
Од полицијата додаваат дека по кратко време возилото било сопрено, при што биле пронајдени 14 мигранти, од кои 11 се од Авганистан, а тројца се од Пакистан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.
Црна хроника
Ограбиле менувачница во Чаир, украле сеф со пари и избегале со возило без таблички
Вчера во 10.15 часот во СВР Скопје, М.Д.(42) од Скопје пријавил дека околу 04.20 часот неколку лица со употреба на сила и погоден предмет влегле во неговата менувачница на подрачје на Чаир и одзеле сеф со пари, по што заминале со патничко возило „фолксваген џета“ без регистарски ознаки.
По преземени мерки и активности, возилото било пронајдено на паркинг простор на подрачје на Чаир.
Се преземаат мерки за целосно расчистување на случајот.
Црна хроника
Скопјанец нападнал вработена во нотарска канцеларија
Скопјанец нападнал вработена во нотарска канцеларија.
На 16.04.2024 во 11.45 часот во СВР Скопје било пријавено дека во нотарска канцеларија во Скопје, Б.Ј. од Скопје физички нападнал една вработена.
Се преземаат мерки за расчистување на случајот.