Црна хроника
Пријава за три лица поради фалшлив договор за купопродажба на возило
Надворешната канцеларија за криминалистички работи Струга поднесе кривична пријава против Ф.Х. (46) од Гостивар поради фалсификување исправа, измама при добивање кредит или друга погодност, против С.Ш. (61) од село Велешта, Струшко, поради постоење основи на сомнение за сторени кривични дела фалсификување исправа и употреба на исправа со невистинита содржина и против Г.М. (45) од Гостивар поради постоење основи на сомнение за сторено кривично дело фалсификување исправа.
Во периодот од 9.5.2016 година до 16.12.2016 година првите двајца изготвиле лажен договор за купопродажба на патничко возило. После тоа, првопријавениот го приложил ваквиот договор во постапка за идентификација на наведеното возило во Бирото за метрологија при Министерството за економија, со цел да ја искористи погодноста по член 24 од Законот за возилата. Потоа, на 22.12.2016 година пријавените изготвиле втор лажен договор за купопродажба на возилото помеѓу третопријавениот како продавач и второпријавениот како купувач.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.