Црна хроника
Пријави за аптеки од Куманово кои затаиле данок продавајќи „трамадол“
Кумановската полиција поднесе кривична пријава против М.Б. (50) од Куманово и Друштво за трговија на големо и мало „Гео-фарм“ увоз-извоз Куманово поради сомнение за „злоупотреба на службена положба и овластување“, „производство и пуштање во промет штетни средства за лекување“, „даночно затајување“ и „фалсификување исправа“. Кривична пријава е поднесена и против А.И. (44) од Куманово и приватна здравствена установа-аптека „Шенди фарм“ Куманово. Тие набавувале и продавале аналгетик „трамадол“ без да платат данок, со што го оштетиле буџетот за 165.082 денари.
Според МВР, во периодот од 28.03.2017 година до 27.04.2017 година М.Б. како сопственик и управител „Гео-фарм“ увоз-извоз Куманово во пет наврати од фармацевска, козметичка и диететска индустрија од земјава набавил 57.000 кутии опијатен аналгетик „трамадол“ со вкупен износ од 2.920.942 денари. Во текот на 2017 година на А.И и аптеката „Шенди фарм“ Куманово им продал 34.000 кутии во вредност од 1.955.000 денари. Остатокот од 23.000 кутии со вредност од 1.414.099 денари го пуштил во промет на непознати лица, за што во книговодствена евиденција прикажал лажни податоци со што избегнал плаќање данок од 67.332 денари и за тој износ го оштетил буџетот. На 9.02.2018 година, по извршена контрола од Агенцијата за лекови и медицински помагала, М.Б. изготвил пет фиктивни фактури во кои навел дека во периодот од 31.01.2018 година до 5.02.2018 година на аптеката „Шенди фарм“ Куманово и продал 34.000 кутии „трамадол“.
Од друга страна, пак, пријавениот А.И. во периодот од 28.03.2017 година до 15.05.2017 година, како сопственик и управител на аптеката „Шенди фарм“ Куманово, во 17 наврати од „Гео-фарм“ увоз-извоз Куманово набавил 34.000 кутии опијатен аналгетик „трамадол“ со вкупен износ од 2.052.920 денари. За набавката извршил плаќање на „Гео-фарм“ што е евидентирано преку изводи на трансакциона сметка, а набавената количина на лекот воопшто не ја прикажал во материјалното книговодство во тек на 2017 година. При контрола од Агенцијата за лекови и медицински помагала, покрај наведените неправилности било констатирано дека „Шенди фарм“ го издавал аналгетикот без рецепт од специјалист. На тој начин било избегнато плаќање данок од 97.750 денари и за тој износ бил оштетен буџетот. Пријавените на тој начин го оштетиле буџетот за вкупно 165.082 денари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Казни за 153 возачи во Скопје
Секторот за внатрешни работи Скопје во текот на вчерашниот ден (18.04.2024) продолжи со контролите во областа на сообраќајот.
На територија на град Скопје изречени се вкупно 153 мерки, меѓу кои за возење повеќе од дозволената брзина 28 санкции, 13 мерки за возење без возачка дозвола, 13 санкции за прекршоци што ги прават возачите на мотоцикл, девет мерки за користење мобилен телефон при возење.
Сообраќајните контроли продолжуваат и во наредните денови, најави МВР и апелира до граѓаните да ги почитуваат сообраќајните правила и прописи за посигурни патишта.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.
Црна хроника
Ограбиле менувачница во Чаир, украле сеф со пари и избегале со возило без таблички
Вчера во 10.15 часот во СВР Скопје, М.Д.(42) од Скопје пријавил дека околу 04.20 часот неколку лица со употреба на сила и погоден предмет влегле во неговата менувачница на подрачје на Чаир и одзеле сеф со пари, по што заминале со патничко возило „фолксваген џета“ без регистарски ознаки.
По преземени мерки и активности, возилото било пронајдено на паркинг простор на подрачје на Чаир.
Се преземаат мерки за целосно расчистување на случајот.