Црна хроника
Пријави за четири лица поради несреќа што се случила во рудникот „Злетово“
СВР Штип поднесе кривична пријава против ДПТУ „Булмак 2016“ ДООЕЛ Пробиштип и А. В. (38) од с. Турско Рудари, Пробиштипско, поради постоење основи на сомнение за сторено кривично дело тешки дела против општата сигурност, и против Д. Д. (41) и А. Л. (40), двајцата од Скопје, поради постоење основи на сомнение за сторено кривично дело несовесно работење во службата.
На 23.8.2017 во Пробиштип, во рудникот „Злетово“, сопственост на првопријавеното правно лице, се откочила шинска натоварна машина, при што му нанела тешки телесни повреди на вработениот С. Д. При контрола било утврдено дека во текот на јуни 2017 првопријавеното правно лице и второпријавениот како раководител на машинското одржување, при ставањето во употреба на наведената машина не постапиле во согласност со прописите од правилникот за користење рударско техничка опрема. Исто така, трето и четвртопријавениот како државни инспектори за геолошки и рударски надзор, во врска со наведениот настан не изготвиле решение за забрана за изведување работни активности со наведената машина и не презеле соодветни дејства за санкција на првопријавеното правно лице.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Претрес во Свети Николе, пронајдена дрога
На 19.04.2024 во 12.00 часот во Свети Николе, полициски службеници од Полициската станица Свети Николе ги лишиле од слобода Д.С.(34) и Д.С.(34), двајцата од Свети Николе. При претрес во нивниот дом, извршен со судска наредба, била пронајдена и одземена марихуана.
Лицата биле задржани во полициска станица и по целосно документирање на случајот против нив ќе биде поднесена соодветна пријава.
Црна хроника
Приведен дилер во Охрид, пронајдена дрога
Денеска (20.04.2024) во 00.55 часот во Охрид, полициски службеници од Одделението за недозволена трговија со дрога и оружје при СВР Охрид го лишиле од слобода Б.Н.(33) од Охрид. Откако бил забележан од полициските службеници во неговото возило, тој фрлил кесичка со бела прашкаста материја која била пронајдена и одземена.
Подоцна, со судска наредба, бил извршен и претрес во неговиот дом, при што биле пронајдени и одземени бела прашкаста материја, дигитална вага со остатоци од бела прашкаста материја и други предмети со остатоци од бела прашкаста материја.
Лицето било задржано во полициска станица и по целосно документирање на случајот против него ќе биде поднесена соодветна пријава.
Црна хроника
Се трага по 86-годишно лице од Скопје
Вчера во 13.20 часот во Полициската станица Ѓорче Петров, С.Д.(60) од Скопје пријавил дека од домот се оддалечил неговиот татко Б.Д.(86) од Скопје.
Се преземаат мерки за пронаоѓање на лицето.