Црна хроника
Пронајдени 13 мигранти во „ауди 8“ кај Сарамзалино
Полицијата пронашла 13 мигранти во возило „ауди а8“ во близина на с. Сарамзалино, општина Лозово.
Претходно, полицајците го забележале возилото како поминало покрај нив со голема брзина. Набргу возилото било пронајдено со мигрантите во него.
„На 4.6.2021, околу 6.30 часот, на клучката кај Велес, во правец на Свети Николе, полициски службеници забележале патничко возило ‘сеат алтеа’, со скопски регистарски ознаки, за кое постоеле сознанија дека е претходница во случај на шверцување мигранти. Откако тргнале по возилото, полициски службеници забележале друго возило ‘ауди а8’, без регистарски ознаки, кое поминало покрај нив со голема брзина. Набргу возилото ‘ауди’ било пронајдено во близина на с. Сарамзалино, општина Лозово, и во него биле пронајдени 13 лица мигранти од Пакистан“, соопшти МВР.
За настанот бил запознаен јавен обвинител и по негова насока, некои од мигрантите ќе бидат сместени во Прифатниот центар за странци во Гази Баба, а други во транзитниот центар во Гевгелија. Се преземаат мерки за расчистување на случајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
167 санкционирани возачи во Скопје
Секторот за внатрешни работи Скопје вчера продолжи со контролите во областа на сообраќајот.
На територија на град Скопје изречени се вкупно 167 мерки, меѓу кои за возење повеќе од дозволената брзина 16 санкции, 10 мерки за возење без возачка дозвола, 14 санкции за минување на затворен сигнал – црвено светло, девет мерки за користење на мобилен телефон при возење…
Црна хроника
Четири лица искасани од кучиња скитници во Скопје
Четири лица пријавиле во полициска станица дека биле искасани од кучиња скитници вчера во Скопје.
На 26.03.2024 во 12.55 часот во Полициската станица Центар, А.К.(24) од Прилеп пријавил дека на ул.„Орце Николов“ во Скопје бил каснат од куче скитник.
На 26.03.2024 во 13.35 часот во Полициската станица Центар, И.А.(60) од Скопје пријавил дека на ул.„Радњанска“ во Скопје бил каснат од куче скитник.
На 26.03.2024 во 13.50 часот во Полициската станица Центар, В.В.(57) од Охрид пријавил дека во Скопје, на подрачјето на Центар бил каснат од куче скитник.
На 26.03.2024 во 12.45 часот во Полициската станица Аеродром, Д.К.(53) од Скопје пријавила дека на ул.„Беласица“ во Скопје била касната од куче скитник.
Црна хроника
Кумановец измамен од две лица за 800 евра, му кажале дека направиле сообраќајка и му дале лажни дијаманти во замена за пари
Вчера во 14.30 часот во СВР Куманово, 73-годишен маж од Куманово пријавил дека на плоштадот „Македонија“ во Скопје бил измамен од две лица за сума од 800 евра, извести МВР.
„Според пријавеното, лицата му кажале дека направиле сообраќајна незгода и дека им требаат парите за да одат на лекар и за возврат ќе му дадат дијаманти, а откако ќе завршат ќе се вратат и ќе му ги дадат парите. Како што е пријавено, тој им ги дал парите, а тие му дале накит за кој подоцна утврдил дека е бижутерија. Исто така, според пријавеното, лицата не се вратиле, по што сфатил дека е измамен“, соопшти МВР.
Се преземаат мерки за расчистување на случајот.