Црна хроника
Пронајдено оружје кај жител на Арачиново
Полицијата привела жител на скопското село Арачиново кај кого е пронајдено оружје и муниција. Како што информира МВР, акцијата е спроведена врз основа на наредба од Основниот суд Скопје 1, а била спороведена во координација меѓу Одделот за криминалистичка полиција и Единицата за недозволена трговија со дрога и оружје при СВР Скопје.
„Извршен е претрес во домот на Б. Н. од скопското село Арачиново. При претресот биле пронајдени и одземени една автоматска пушка со една рамка за 29 куршуми, пиштол „глок 19“ со три рамки и 63 куршуми во калибар 9 мм. Б. Н. бил лишен од слобода и приведен во полициска станица и по целосно документирање на случајот, против него ќе биде поднесена кривична пријава по член 396 од Кривичниот законик“, информира полицијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Претрес во Свети Николе, пронајдена дрога
На 19.04.2024 во 12.00 часот во Свети Николе, полициски службеници од Полициската станица Свети Николе ги лишиле од слобода Д.С.(34) и Д.С.(34), двајцата од Свети Николе. При претрес во нивниот дом, извршен со судска наредба, била пронајдена и одземена марихуана.
Лицата биле задржани во полициска станица и по целосно документирање на случајот против нив ќе биде поднесена соодветна пријава.
Црна хроника
Приведен дилер во Охрид, пронајдена дрога
Денеска (20.04.2024) во 00.55 часот во Охрид, полициски службеници од Одделението за недозволена трговија со дрога и оружје при СВР Охрид го лишиле од слобода Б.Н.(33) од Охрид. Откако бил забележан од полициските службеници во неговото возило, тој фрлил кесичка со бела прашкаста материја која била пронајдена и одземена.
Подоцна, со судска наредба, бил извршен и претрес во неговиот дом, при што биле пронајдени и одземени бела прашкаста материја, дигитална вага со остатоци од бела прашкаста материја и други предмети со остатоци од бела прашкаста материја.
Лицето било задржано во полициска станица и по целосно документирање на случајот против него ќе биде поднесена соодветна пријава.
Црна хроника
Се трага по 86-годишно лице од Скопје
Вчера во 13.20 часот во Полициската станица Ѓорче Петров, С.Д.(60) од Скопје пријавил дека од домот се оддалечил неговиот татко Б.Д.(86) од Скопје.
Се преземаат мерки за пронаоѓање на лицето.