Топ
Пукање на семејна веселба во с. Глумово, селаните повикале полиција
СВР Скопје го расчистува случајот со вчерашното пукање на семејна веселба во Глумово, соопшти полицијата.
Според информации од надлежните, на 07.08.2021 околу 15.23 часот полициски службеници од СВР Скопје, постапувајќи по пријави дека во с.Глумово има пукање од огнено оружје, излегле на лице место при што биле пронајдени чаури од огнено оружје, пред домот на И.С.(51) од с.Глумово, каде што имало семејна веселба.
Од И.С. се земени парафински ракавици и пиштол „глок“, а чаурите се подигнати за вештачење.
По документирање на случајот ќе биде поднесен соодветен поднесок.
МВР уште еднаш апелира до граѓаните да се воздржат од пукање со огнено оружје на семејни веселби, затоа што тоа може да предизвика тешки последици.
Од таму потсетуваат дека пукањето е спротивно на Законот за прекршоци против јавниот ред и мир, а паричната глоба за ваков вид прекршок се движи од 200 до 500 евра.
Предупредуваат дека зависно од последиците, пукањето може да претставува и кривично дело „предизвикување општа опасност“, за кое е предвидена и затворска казна од една до пет години.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Силен земјотрес ја погоди Бугарија
Земјотрес со јачина од 3,8 степени според Рихтеровата скала ја погоди Бугарија, јавува ЕМСЦ.
Земјотресот е регистриран во 8:38 часот по локално време, на четири километри од Девин, на длабочина од девет километри.
🔔#Earthquake (#земетресение) M3.8 occurred 6 km SW of #Devin (#Bulgaria) 4 min ago (local time 08:38:05). More info at:
📱https://t.co/IbUfG7TFOL
🌐https://t.co/MSdvNiasPN
🖥https://t.co/ycq6JSIzuY pic.twitter.com/jACmTRndoJ— EMSC (@LastQuake) March 29, 2024
Речиси половина час пред овој земјотрес Бугарија ја погоди потрес со јачина од 2,4 степени според Рихтеровата скала.
Забележан е во 8:09 часот по локално време.
Во 08:42 часот е регистриран и трет земјотрес со јачина од 2,2 степени според Рихтеровата скала.
Засега нема информации за повредени или материјална штета.
Европа
Автобус повторно се преврте на автопат во Германија, патниците биле средношколци
Автобус со околу 60 патници се преврте вчера на автопатот А44 во западната германска покраина Северна Рајна Вестфалија, јавува дпа. Во сообраќајката се повредени над 20 лица, извести полицијата синоќа.
Да потсетиме, ден претходно слична несреќа се случи во Германија кога автобус на „Фликсбас“ се преврте на автопатот во близина на градот Лајпциг на истокот од земјата. Во таа несреќа загинаа четири лица, а над 20 се повредени.
Автобусот излетал од патот и се превртел на страна во близина на градот Верл, 100 километри источно од Дизелдорф. Целосно е затворен делот од 20 километри од автопатот А44 од излезот Уна Ост до Верл во правец на Касел. На местото на несреќата пристигнале полицајци, пожарникари и спасувачки хеликоптер.
Полицијата првично соопшти дека 21 лице е полесно повредено, а едно е тешко. Подоцна, тие ја ревидираат бројката на 20 полесно повредени и еден тешко повреден. Портпаролот на полицијата изјави дека автобусот превезувал ученици од стручно училиште во Варбург кои се враќале од патување во Англија.
Се уште не е јасна причината за несреќата. Полицијата соопшти дека никој не е во животна опасност и дека во несреќата не учествувале други возила. Несреќата се случи само еден ден откако четири лица загинаа во автобуска несреќа во близина на Лајпциг во источна Германија.
Свет
Израел ја нападна Сирија: „38 лица загинаа во Алепо, меѓу кои и членови на Хезболах“
Повеќе цивили и војници загинаа откако Израел и милитантните групи започнаа напади врз северниот сириски град Алепо, соопшти утрово сириското Министерство за одбрана.
Израелските воздушни напади беа насочени кон неколку области околу Алепо околу 1:45 часот по локално време, се вели во соопштението на Министерството.
Во израелските напади врз сирискиот град Алепо во петокот рано наутро загинаа 38 лица, меѓу кои пет членови на либанската милитантна група Хезболах, изјавија два безбедносни извори за Ројтерс.
Нападите се совпаднаа со нападите со беспилотни летала изведени од градот Идлиб и западниот рурален дел на Алепо, за кои Министерството рече дека биле извршени од „терористички организации“.
„Нападите резултираа со смрт и голем број ранети цивили и војници и предизвикаа материјална штета на јавен и приватен имот“, се наведува во соопштението за медиумите.
Министерството не го прецизираше точниот број на загинати или не појасни дали жртвите се резултат на напади на израелска или милитантна група. Вчера две лица беа повредени во израелски воздушен напад во регионот околу сириската престолнина Дамаск, се наведува.
Израелската армија одби да ги коментира наводите за напади. Според Ројтерс, од нападите на Хамас врз израелските цивили и војници во октомври минатата година, Израел ги ескалирал нападите врз, како што тврди, упоришта на милициите поддржани од Иран во Сирија. Ја погоди и воздушната одбрана на сириската армија и некои сириски сили.
Израел со години извршува слични напади во Сирија, каде што влијанието на Техеран се зголеми откако почна да го поддржува претседателот Башар ал Асад во граѓанската војна што започна во 2011 година. Борците поврзани со Иран, вклучително и Хезболах, сега имаат контрола над огромни делови од источна, јужна и северозападна Сирија и неколку предградија околу главниот град.
Израел и Хезболах разменуваат оган преку израелско-либанската граница откако изби војната во Газа, што е најголема ескалација од едномесечниот конфликт во 2006 година, потсетува агенцијата.