Црна хроника
Разбојник украл „бмв“, па со боксирач ги нападнал полицајците што дошле да го апсат
Скопското Основно јавно обвинителство поднесе обвинение против 29-годишен скопјанец, кој најпрвин украл „бмв“, а потоа физички ги нападнал полицајците што реагирале во врска со кражбта.
Како што информираат од Обвинителството, разбојникот делата ги сторил на 21 јули кога забележал две лица, оштетениот и неговата сопруга, како го паркираат нивното возило „бмв Х5“ наспроти трговскиот центар „Мавровка“ во Скопје по што го напуштиле пракингот.
Во тој момент обвинетиот со алат ја отклучил заклучената врата на возилото и заедно со уште едно, засега непознато, женско лице, го стартувал возилото и почнал да се движи.
Кога крадецот со автомобилот се приближил до првата крстосница, бил забележан од сопственикот на возилото. Оштетените почнале да трчаат по него, го престигнале и се обиделе да го сопрат арамијата. Но, и покрај обидите и вклученото црвено светло на семафорот, тој продолжил да вози.
По ова, оштетените го пријавиле настанот во полиција, па органите на редот почнале мерки за пронаоѓање на автомобилот.
Кога дознале дека обвинетиот заедно со украденото возило се наоѓа во населбата Маџари, двајца полицајци со службено возило „шкода јети“ и вклучени ротациски светла се упатиле кон него.
Го пресретнале и се обиделе да му го попречат движењето, го сопреле возилото и се обиделе да го извадат обвинетиот надвор. Притоа разбојникот најпрвин со „бмвто“ во движење удрил во полициското возило за потоа и физички со боксирач со бодеж да ги нападне двајцата полицајци и да им нанесе повреди.
Во акцијата за совладување на разбојникот се приклучил уште еден полицаец по што тој бил приведен со цел обезбедување на натамошниот тек на кривичната постапка.
Скопјанецот се товари дека сторил две кривични дела – тешка кражба и напад врз службено лице при вршење работи на безбедноста.
Надлежен јавен обвинител до судот поднел посебен предлог за продолжување на мерката притвор против обвинетиот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.