Црна хроника
Разбојници ограбувале скопјанки во лифт
Скопското Основно обвинителство донесе наредба за спроведување истражна постапка против две лица на возраст од 20 и 22 години осомничени дека сториле две разбојнички кривични дела.
Како што информираат од Обвинителството, осомничените на 18 јуни, во зграда на булеварот ВМРО во Скопје, со примена на сила од една жена одзеле два паричника во кои имало 700 денари, кредитни картички и лични документи.
Тие ја забележале жената како се движи кон зградата и побарале ситни пари од неа. Кога не им дала, влегле заедно со неа во лифтот и се обиделе да ѝ го одземат паричникот. Притоа ја притиснале и со употреба на сила ги извадиле паричниците од нејзината чанта, ја оттурнале и избегале.
Неколку дена по првото злосторство, на 21 јуни, на истото место и речиси на идентичен начин, ограбиле жена која завршила со пазарување и се враќала кон зградата.
Кога влегла во влезот, ја задржале вратата и влегле по неа. Пред лифтот ѝ пришле и насилно ја турнале и ја удриле по главата по што ѝ го одзеле паричникот во кој имало 4.000 денари, кредитни картички и лични документи и избегале.
Ценејќи дека постои опасност осомничените да побегнат, да влијаат врз сведоци или да го повторат кривичното дело, надлежен јавен обвинител до судијата на претходна постапка при Основниот кривичен суд Скопје доставил предлог за определување притвор за осомничените разбојници.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Се трага по 86-годишно лице од Скопје
Вчера во 13.20 часот во Полициската станица Ѓорче Петров, С.Д.(60) од Скопје пријавил дека од домот се оддалечил неговиот татко Б.Д.(86) од Скопје.
Се преземаат мерки за пронаоѓање на лицето.
Црна хроника
Тепачка помеѓу колешки во средно училиште во Битола
На 18.04.2024 во СВР Битола, Х.Т. (28) од Битола пријавила дека во средно училиште во Битола била физички нападната од нејзината колешка.
Се преземаат мерки за расчистување на настанот.
Црна хроника
Две лица искасани од кучиња скитници во Скопје
Вчера, во 14.15 часот, во Полициската станица Карпош, Т. А. (78) од Скопје пријавила дека на улицата Петар Чаулев во Скопје била касната од куче скитник.
Истиот ден, во 21.15 часот, во Полициската станица Аеродром, Т. Т. (18) од Скопје пријавила дека на улицата Владимир Комаров во Скопје била касната од куче скитник.