Црна хроника
Сериозно повредено 13 годишно девојче во сообраќајна несреќа
Тринаесет годишно девојче од Струмица е тешко повредено во сообраќајна несреќа што се случила с.Пирава, кога автомобилот во кој се возело деовјчето се судрил со друго возило.
Во незгодата со тешки телесни повреди се здобил 44-годишен струмичанец, кој заедно со девојчето биле сопатници во едното возило. Двајцата поради сериозноста на повредите биле итно препратени од Јавната здравствена установа Гевгелија во Комплексот клиники “Мајка Тереза“ во Скопје.
Со телесни повреди се здобиле и Г.И.(46), С.И.(45), А.А.(45), М.А.(23) и А.А. сите од Струмица и по укажаната лекарска помош биле пуштени на домашно лекување.
Со телесни повреди се здобила и 17 годишна сопатничка, која по укажаната лекарка нега, била пуштена на домашно лекување.
Извршен бил увид на местото на настанот од страна на Полициската станица Валандово и се работи на целосно расчистување на случајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Претрес во Свети Николе, пронајдена дрога
На 19.04.2024 во 12.00 часот во Свети Николе, полициски службеници од Полициската станица Свети Николе ги лишиле од слобода Д.С.(34) и Д.С.(34), двајцата од Свети Николе. При претрес во нивниот дом, извршен со судска наредба, била пронајдена и одземена марихуана.
Лицата биле задржани во полициска станица и по целосно документирање на случајот против нив ќе биде поднесена соодветна пријава.
Црна хроника
Приведен дилер во Охрид, пронајдена дрога
Денеска (20.04.2024) во 00.55 часот во Охрид, полициски службеници од Одделението за недозволена трговија со дрога и оружје при СВР Охрид го лишиле од слобода Б.Н.(33) од Охрид. Откако бил забележан од полициските службеници во неговото возило, тој фрлил кесичка со бела прашкаста материја која била пронајдена и одземена.
Подоцна, со судска наредба, бил извршен и претрес во неговиот дом, при што биле пронајдени и одземени бела прашкаста материја, дигитална вага со остатоци од бела прашкаста материја и други предмети со остатоци од бела прашкаста материја.
Лицето било задржано во полициска станица и по целосно документирање на случајот против него ќе биде поднесена соодветна пријава.
Црна хроника
Се трага по 86-годишно лице од Скопје
Вчера во 13.20 часот во Полициската станица Ѓорче Петров, С.Д.(60) од Скопје пријавил дека од домот се оддалечил неговиот татко Б.Д.(86) од Скопје.
Се преземаат мерки за пронаоѓање на лицето.