Црна хроника
Скопски угостител нападнат со нож поради оштетен автомобил
Скопјанец на возраст од 37 години, утрово, околу 4 часот, во полиција пријавил дека бил физички нападнат на неговото работно место.
Според пријавата на 37-годишникот, со иницијали Н.Г, околу 23 часот во угостителски објект на подрачјето на Центар, додека бил на своето работно место како менаџер, по претходно недоразбирање, бил физички нападнат со остар предмет од страна на 34-годишниот И.К. од Скопје.
Причина за недоразбирањето, наводно било оштетеното возило на напаѓачот, кое се наоѓало пред објектот.
Менаџерот во полиција пријавил и дека потоа, по барање на напаѓачот, тој отишол да го викне и менаџерот од соседниот угостителски објект.
Настанот во полиција го пријавил и 34-годишниот скопјанец чиј автомобил бил оштетен.
Според неговата изјава, околу 22.45 часот во близина на угостителските објекти бил физички нападнат од четири лица кои му го оштетиле возилото „фолксваген пасат“.
Полицијата работи на расчистување на случајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Жена истепана од својот вонбрачен партнер во центарот на Скопје
Вчера попладне во 13.00 часот во СВР Скопје, 48-годишна жена пријавила дека на 21.04.2024 околу 00.15 часот на подрачјето на Центар била физички нападната од нејзиниот вонбрачен партнер, 49-годишниот М.М. од Скопје, извести МВР.
По целосно документирање на случајот ќе следува соодветен поднесок.
Црна хроника
Расправија околу сообраќајна незгода заврши со тепачка меѓу двајца скопјани
Вчера попладне во 17.30 часот во СВР Скопје било пријавено дека на подрачјето на Ѓорче Петров, по расправија околу претходно случена сообраќајна незгода, бил нарушен јавниот ред и мир со физичка пресметка помеѓу 60-годишниот В.А. и 34-годишниот М.Ч., двајцата од Скопје, извести МВР.
По целосно документирање на случајот ќе следува соодветен поднесок.
Црна хроника
Во Тетовско, во предизборен молк се лепел пропаганден материјал, полицијата го расчистува случајот
Денеска во 01.05 часот полициски службеници од СВР-Тетово постапиле по пријава дека лица кои биле со патничко моторно возило, во тетовски села, во период на предизборен молк, лепат пропаганден материјал за претстојните претседателски избори, при што во тетовско Синичане биле затекнати Р.Р.(19) и малолетник, двајцата од истото село, како поставуваат пропагандни материјали за кандидат за претседател на претстојните претседателски избори, извести МВР.
Со нив е извршен службен разговор во Полициско одделение-Камењане, известен е јавен обвинител и се преземаат мерки за расчистување на случајот.