Црна хроника
Скопското Обвинителство поведе истрага против италијански државјанин за четири разбојништва
Основното јавно обвинителство Скопје донесе наредба за истражна постапка против 30-годишен италијански државјанин, кој живее во Скопје, за кого постои основано сомнение дека извршил четири разбојништва.
На 6 ноември тој влегол во книжарница на булеварот Партизански одреди и со нож ѝ се заканил на вработената барајќи да му даде пари. Исплашена за својот живот, оштетената од касата на книжарницата извадила 9.500 денари, кои му ги дала на осомничениот, кој потоа избегал. Истиот ден, на улицата Московска, во аптека ѝ се заканил на вработената со нож и ѝ ги побарал парите од касата, но таа почнала да вика и го стиснала копчето за паника. Во тој момент осомничениот избегал од местото не успевајќи да ја реализира намерата за противправно одземање туѓи предмети. На 9 ноември на сличен начин, заканувајќи им се со нож на вработените, осомничениот одзел 2.000 денари од продавница за играчки на булеварот Партизански одреди.
На 14 ноември, во маркет на улицата Букурешка, го вперил ножот кон една вработена заканувајќи ѝ се дека ќе ја повреди ако не му даде пари. Оштетената му ја отворила касата, од каде што тој самиот одзел 10.600 денари и избегал.
На истиот начин, на 16 ноември, осомничениот противправно присвоил 6.525 денари од бутик за долна облека на булеварот 8 Септември.
„Бидејќи постојат околности што упатуваат на можност осомничениот да се даде во бегство, да ги скрие трагите на кривичното дело, да влијае врз сведоците/оштетените или да го повтори делото, надлежниот јавен обвинител до Основниот кривичен суд Скопје достави предлог за определување мерка притвор. Судијата на претходна постапка го прифати предлогот и на осомничениот му определи притвор во траење од 30 дена“, соопшти Обвинителството.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривични за родителите кои им дозволиле на нивните малолетни деца да живеат вонбрачно
Надворешната канцеларија за криминалистички работи Берово поднесе две кривични пријави против Н.Ф.(38) и С.Ф.(34), двајцата од Пехчево и В.Т.(54) од Кочани поради постоење основи на сомнение за сторено кривично дело „вонбрачен живот со дете“.
Пријавените, во период од втората половина на 2023 до 22.02.2024 им овозможиле на нивните малолетни деца, кои се во љубовна врска, да живеат вонбрачно, објави МВР во гдневниот билтен.
Црна хроника
Teтетовец со украдено возило направил сообраќајка
Полицијата поднесе кривична пријава против Л.А.Т. (18) од Тетово поради „тешка кражба“ во обид, „одземање на моторно возило“ и „кражба“.
На 03.02.2024, пријавениот со погоден предмет се обидел да влезе во куќа во Тетово, но бил затекнат од сопственикот.
На 10.02.2024 во двор од куќа одзел патничко возило „цитроен“, а во текот на истиот ден од плац на лице од Тетово одзел мотоцикл „јамаха“, кој го оставил во с.Долно Седларце, тетовско, заедно со патничкото возило, откако направил сообраќајна незгода, објави МВР.
Црна хроника
Се степале вработени во болница во Карпош
Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени во установата.
По целосно документирање на случајот ќе следува соодветен поднесок, објави МВР во дневниот билтен.