Црна хроника
Скопјанец ќе одговара за 4 тешки кражби – рекетирал минувачи, провалил во црква, а се обидел да ограби и маркет
Основното јавно обвинителство Скопје поднесе обвинение за лице поради 4 кражби.
Кражбите биле извршени во периодот од март до октомври, а Обвинителството бара продолжување на притворот поради опасност од бегство.
На 12 март во храмот „Рождество на Пресвета Богородица“ во Скопје, со провалување во затворени простории, обвинетиот одзел 15.000 денари од продавницата за свеќи.
На 8 јули, заедно со друго непознато лице, пресретнал еден оштетен во Градскиот трговски центар и му побарал пари. Кога оштетениот им дал пари, а остатокот го вратил во џебот, обвинетиот го фатил за раката и му ги одзел и преостанатите 1.000 денари.
На 24 септември, на Зелен пазар, обвинетиот се обидел на дрзок начин да одземе предмет – златно синџирче. Заедно со уште едно непознато лице на оштетената ѝ пришол зад грб, па почнале да ја тегнат за вратот и блузата со намера да ѝ го земат синџирчето, но таа успеала да се оттргне.
На 5 октомври во маркет на булеварот Партизански одреди обвинетиот се обидел да одземе пари од дневниот промет. Кога влегол во маркетот, ја забележал вработената ако реди стока на еден од рафтовите, а тој се упатил кон касата за да ги земе парите. При обидот бил забележан од вработената, која почнала да вика, па обвинетиот го напуштил маркетот без да ја реализира намерата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.
Црна хроника
Ограбиле менувачница во Чаир, украле сеф со пари и избегале со возило без таблички
Вчера во 10.15 часот во СВР Скопје, М.Д.(42) од Скопје пријавил дека околу 04.20 часот неколку лица со употреба на сила и погоден предмет влегле во неговата менувачница на подрачје на Чаир и одзеле сеф со пари, по што заминале со патничко возило „фолксваген џета“ без регистарски ознаки.
По преземени мерки и активности, возилото било пронајдено на паркинг простор на подрачје на Чаир.
Се преземаат мерки за целосно расчистување на случајот.
Црна хроника
Скопјанец нападнал вработена во нотарска канцеларија
Скопјанец нападнал вработена во нотарска канцеларија.
На 16.04.2024 во 11.45 часот во СВР Скопје било пријавено дека во нотарска канцеларија во Скопје, Б.Ј. од Скопје физички нападнал една вработена.
Се преземаат мерки за расчистување на случајот.