Црна хроника
Скопјани обиле автомобил со битолска регистрација и од него украле над 4 и пол илјади евра
Скопската полиција до надлежното Основно јавно обвинителство поднесе кривична пријава против четворица скопјани на возраст од 28 до 41 година кои противправно се стекнале со имотна корист од околу 350.000 денари.
Како што информираат од МВР, разбојниците кривичното дело го сториле ноќта меѓу 22. и 23. декември минатата година, на улицата „Беласица“, на паркинг просторот спроти Скопски саем, при што двајца од нив со употреба на тврд предмет искршиле задно лептир стакло и ја отклучиле вратата на автомобил марка „рено меган“ (со битолски регистарски таблички), влегле во возилото, успеале да го отворат гепекот и заедно со другите двајца пријавени одзеле чанта во која имало лични документи, клучеви, 250.000 денари и 570 евра.
Скопјаните се товарат под сомнение дека сториле кривично дело „тешка кражба“.
По преземени мерки и активности од страна на полицијата, лицата се лишени од слобода и во полициска станица го појасниле начинот на извршување на делото.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.