Црна хроника
Со лажна диплома станал директор на основно училиште
Поранешен директор во основното училиште „Наим Фрашери“ во Куманово ја извршувал функцијата со фалсификувано уверение за завршен VII/1 степен на Педагошкиот факултет.
МВР соопшти дека 61-годишниот И.А. од Куманово со парична сума поттикнал референт за студенски прашања на Педагошкиот факултет „Свети Климент Охридски“ во Скопје да му издаде уверение за завршениот степен поради што против двајцата е поднесена кривична пријава.
„Второпријавениот го запишал првопријавениот на прв циклус на студии за учебната 2010/2011 година, а потоа на 6.10.2010 година, без истиот да ги полага програмските испити и без да уплати парични средства за испити и семестри во буџетските средства на РМ, му изготвил фалсификувано уверение за завршен VII/1 степен образование, со што го оштетил буџетот. Потоа, првопријавениот за временскиот поериод од 16.06.2011 до 03.01.2015 година го употребил уверението од Педагошкиот факултет при именување на истиот за директор во основното училиште ‘Наим Фрашери’ во Куманово“, соопшти МВР.
Лани И.А. повторно го употребил уверението за работен ангажман преку АПВ Арбеит ДЕ Скопје, а потоа во временскиот период од трети јануари годинава до денес при засновање на работен однос во Општина Куманово, остварувајќи личен доход за вредноста на тој исплатен личен доход го оштетил буџетот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривични за родителите кои им дозволиле на нивните малолетни деца да живеат вонбрачно
Надворешната канцеларија за криминалистички работи Берово поднесе две кривични пријави против Н.Ф.(38) и С.Ф.(34), двајцата од Пехчево и В.Т.(54) од Кочани поради постоење основи на сомнение за сторено кривично дело „вонбрачен живот со дете“.
Пријавените, во период од втората половина на 2023 до 22.02.2024 им овозможиле на нивните малолетни деца, кои се во љубовна врска, да живеат вонбрачно, објави МВР во гдневниот билтен.
Црна хроника
Teтетовец со украдено возило направил сообраќајка
Полицијата поднесе кривична пријава против Л.А.Т. (18) од Тетово поради „тешка кражба“ во обид, „одземање на моторно возило“ и „кражба“.
На 03.02.2024, пријавениот со погоден предмет се обидел да влезе во куќа во Тетово, но бил затекнат од сопственикот.
На 10.02.2024 во двор од куќа одзел патничко возило „цитроен“, а во текот на истиот ден од плац на лице од Тетово одзел мотоцикл „јамаха“, кој го оставил во с.Долно Седларце, тетовско, заедно со патничкото возило, откако направил сообраќајна незгода, објави МВР.
Црна хроника
Се степале вработени во болница во Карпош
Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени во установата.
По целосно документирање на случајот ќе следува соодветен поднесок, објави МВР во дневниот билтен.