Топ
Со фалш диплома се вработил во УБК, пријави за директорот и за ректорот на Славјанскиот институт
СВР Куманово поднесе поднесе кривични пријава против 33-годишен кумановец (М.Б.), кој со фалш диплома се вработил во Управата за безбедност и контраразузнавање, а потоа и напредувал во службата. Кривични пријави се поднесени и против уште неколку лица што учествувале во незаконското издавање на документот, и тоа Б.С. (36) од Свети Николе, генерален директор на Меѓународниот славјански институт „Гаврило Романович Державин“, ректорот Д.Н. (71) од Пробиштип, против Славјанскиот институт, и В.М.Н. (59), советник во Државниот просветен инспектор.
Притоа, М.Б. се сомничи за употреба на исправа со невистинита содржина, Б.С. и Д.Н. и пријавеното правно лице се сомничат за злоупотреба на службената положба и овластувањето и за фалсификување исправа, а В.М.Н. за несовесно работење во службата.
Според документираните сознанија од истрагата, М.Б. на 25 септември 2009 година потпишал договор за студирање на приватна високообразовна установа Меѓународен славјански институт во Свети Николе, на Факултетот за економија и организација на претприемаштво за учебна 2009/2010 година, за што му било оформено досие. Во текот на 2010 година заминал на привремена работа во Авганистан. Во временскиот период од 25.9.2009 година, па сè до 4.12.2012 година тој од задолжителни 33 предмети за предвидени 4 студиски години и 8 семестри вкупно нерегуларно положил 24 предмети, од кои на 19 испити не присуствувал бидејќи бил надвор од земјава.
Пет предмети положил пред да биде запишан во образовната институција (иако тие не биле предвидени во учебниот план и програма), еден предмет го положил два дена по запишување во образовната институција, а за другите осум предмети присуствувал на полагање.
Б.С., Д.Н. и правното лице со намера да му овозможат да стекне уверение за завршен дипломиран економист – менаџмент на организација, во временскиот период од 25.9.2009 година до 4.12.2012 година изготвиле и потпишале 24 пријави за испит со невистинита содржина дека наводно првопријавениот бил присутен на полагање и ги положил испитите во редовна постапка, а Д.Н. на 24.5.2013 година му издал и потпишал невалидна диплома.
Кумановецот фалш дипломата ја употребил како вистинска и на 24.12.2014 година, без претходно објавен јавен оглас, бил вработен во МВР со договор за вработување на неопределено време на работно место – приправник во УБК, а од 1.10.2015 година со одлука на Комисијата за распоредување и унапредување на работните места во УБК со решение е унапреден на работното место.
В.М.Н., пак, во својство на советник-државен просветен инспектор на 22.9.2017 година при вршење координиран вонреден инспекциски надзор во соработка со полициски службеници од СВР Куманово на Меѓународниот славјански институт „Гаврило Романович Державин“ – Свети Николе составила лажен записник, при што констатирала дека четири испитни пријави се спорни, од кои три по однос на недоволно пишани бонус бодови за положен испит, една испитна пријава дека е непотпишана, а не ги зела предвид пријавите за предвремено положени пет испити впишани во студентското досие за период додека М.Б. не бил запишан на образовната установа со крајно образложение во записникот дека по однос на наводите наведени во барањето на СВР Куманово нема констатирано неправилности и предметот се заклучува.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Обид за убиство во прилепскиот затвор: со нож избоден осуденик
Полицијата поднесе кривична пријава против С.Р.(28) и Д.К.(39), двајцата од Прилеп, поради убиство во обид.
Од МВР информираа дека инцидентот се случил на 7 април во прилепскиот затвор, каде двајцата издржувале затворски казни.
Тие физички го нападнале осуденикот С.Ч., при што првопријавениот со нож му нанел убодна рана.
Македонија
Арсовска: Министерката за култура успеа самата себеси да се побие и не одговори на ниедно прашање
Министерката за култура, Бисера Костадиновска-Стојчевска успеа самата да се побие и не одговори на ниту едно прашање коешто беше поставено, изјави градоначалничката на Град Скопје, Данела Арсовска.
„Одговори нема на ниту едно од поставените прашања, само широка плејада на напади со манипулатвни изјави. Министерката најави дека ќе ме тужи за прашање коешто го поставив вчера, а на ниту едно не одговори. Вчера прашав зошто ако министерката осознала за пожарот пред 9 часот истото не го пријавила. Таа лично во изјава истакна дека осознала за пожарот нешто пред 9 часот. Првото јавување во бридатата од случаен минувач дека има пожар е во 9.50 минути, по што противпожарната бригада веќе во 9.55 минути е на лице место. Самата ја побива своја изјава“, рече Арсовска.
Градоначалничката уште еднаш ги повтори прашањата кои беа упатени на вчерашната прес-конференција, и повика Министерството да каже каде, кога и од кого е осигуран проектот за Универзалната сала, на која вредност и за кој случај на настанување на штета.
„Добивме напади, закани, закани за тужби. Заканите нема да пројдат“, рече Арсовска.
Градоначалничката додаде дека две години укажувале дека по тој проект за реконструкција на Универзаланата сала, кој некој друг го примил во Градот Скопје во 2021 година, во месец март, по којшто распишал јавна набавка и отпочнал со реализација е увидено уште во првиот месец дека е невозможно да се работи.
„Позитивното мислење за сеизмичката заштита е укинато од страна на ИЗИС на 02.11. и покрај тоа што министерката сакаше да каже дека тогаш јас сум била градоначалник, за жал не и е добро пренесено на кој ден имам стапено на оваа функција и кога сум осознала за тој договор“, рече Арсовска.
Заклучи дека е суштински да се знае по кој проект работело министерството и изведувачот на терен, кој бил управителот на градба и кој бил надзорот.
Топ
Кривична против Курто Дудуш: за директори на градинка именувал лица што не биле вработени таму
СВР Скопје – Единица за економски и компјутерски криминал поднесе кривична пријава против 49-годишниот К. Д., градоначалник на скопска општина поради постоење основи на сомнение за сторено кривично дело несовесно работење во службата по член 353 од Кривичниот законик, извести МВР.
„Во текот на 2020 и 2024 година пријавениот несовесно постапил во извршување на своите овластувања при спроведување управна постапка и ги повредил законските прописи на начин што постапил спротивно на Законот за заштита на децата – член 126. Во 2020 и во 2024 година тој именувал директори на детска градинка, лица што не биле вработени во градинката и покрај тоа што во законот се вели дека именувањето вршител на должноста директор на детска градинка треба да се врши од редот на вработените во детската градинка“, соопшти МВР.