Црна хроника
Струмичанец загина во тешка сообраќајка на патот до граничниот премин „Ново Село“
Во вечерните часови на 10 март во струмичката полиција било пријавено дека на магистралниот пат Струмица-граничен премин „Ново Село“, во близина на селото Самоилово, се случила сообраќајна незгода меѓу три возила, во која едно лице го загубило животот.
Како што информираат од МВР, во сообраќајката учествувале автомобил „фолксваген голф“ со струмичка регистрација, управуван од 37-годишниот С.С. од Самоилово, автомобил „шкода фабија“ со струмичка регистрација, управуван од Т.К. (24) од селото Н.Коњарево и товарно моторно возило – влекач „мерцедес“ со полуприколка со турска регистрација, управуван од 42-годишниот турски државјанин М.К.
На местото на незгодата починал 37-годишниот С.С, а смрт констатирал лекар од итната медицинска помош. Со телесни повреди се здобиле и 24-годишникот и сопатничката во неговото возило А.Ј.(27), како и турскиот државјанин.
На местото на настанот увид извршиле Јавен обвинител и екипа од струмичката полиција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.
Црна хроника
Ограбиле менувачница во Чаир, украле сеф со пари и избегале со возило без таблички
Вчера во 10.15 часот во СВР Скопје, М.Д.(42) од Скопје пријавил дека околу 04.20 часот неколку лица со употреба на сила и погоден предмет влегле во неговата менувачница на подрачје на Чаир и одзеле сеф со пари, по што заминале со патничко возило „фолксваген џета“ без регистарски ознаки.
По преземени мерки и активности, возилото било пронајдено на паркинг простор на подрачје на Чаир.
Се преземаат мерки за целосно расчистување на случајот.
Црна хроника
Скопјанец нападнал вработена во нотарска канцеларија
Скопјанец нападнал вработена во нотарска канцеларија.
На 16.04.2024 во 11.45 часот во СВР Скопје било пријавено дека во нотарска канцеларија во Скопје, Б.Ј. од Скопје физички нападнал една вработена.
Се преземаат мерки за расчистување на случајот.