Црна хроника
Струмичанец со секира нападнал продавачка затоа што не сакала му даде пиво
Дваесетгодишен струмичанец и негови пријатели со камења, стапови и секира нападнале продавачка затоа што не сакала да му даде пиво на вересија. Нејзиниот сопруг се обидел да ја одбрани, но напаѓачите го повредиле и него.
Според информациите на полицијата, вчера во 21 часот, Л.В. (33) од с. Баница, Струмичко, пријавила во полиција дека истиот ден околу 16 часот, додека работела во продавница, дошол К.Р. (20) и физички ја нападнал. Тој побарал пиво на одложено плаќање, но кога не му дала, почнал да ја навредува по што физички ја нападнал.
По тоа, пред продавницата дошол нејзиниот сопруг, а К.Р. го нападнал и него. Тие успеале да го истуркаат К.Р. од дворното место, но по кратко време К.Р. се вратил со уште неколку непознати лица, кои носеле камења, стап и секира и почнале да ја демолираат куќата, продавницата и возилата паркирани пред неа и притоа им нанеле телесни повреди на продавачката, нејзиниот сопруг, свекорот и уште двајца нивни роднини.
По инцидентот, К.Р. (20), А.Р. (26), Д.Р. (25), сите од с. Баница, биле приведени и задржани во полициска станица за понатамошна постапка. По целосното расчистување и документирање на настанот ќе бидат поднесени соодветни поднесоци.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривични за родителите кои им дозволиле на нивните малолетни деца да живеат вонбрачно
Надворешната канцеларија за криминалистички работи Берово поднесе две кривични пријави против Н.Ф.(38) и С.Ф.(34), двајцата од Пехчево и В.Т.(54) од Кочани поради постоење основи на сомнение за сторено кривично дело „вонбрачен живот со дете“.
Пријавените, во период од втората половина на 2023 до 22.02.2024 им овозможиле на нивните малолетни деца, кои се во љубовна врска, да живеат вонбрачно, објави МВР во гдневниот билтен.
Црна хроника
Teтетовец со украдено возило направил сообраќајка
Полицијата поднесе кривична пријава против Л.А.Т. (18) од Тетово поради „тешка кражба“ во обид, „одземање на моторно возило“ и „кражба“.
На 03.02.2024, пријавениот со погоден предмет се обидел да влезе во куќа во Тетово, но бил затекнат од сопственикот.
На 10.02.2024 во двор од куќа одзел патничко возило „цитроен“, а во текот на истиот ден од плац на лице од Тетово одзел мотоцикл „јамаха“, кој го оставил во с.Долно Седларце, тетовско, заедно со патничкото возило, откако направил сообраќајна незгода, објави МВР.
Црна хроника
Се степале вработени во болница во Карпош
Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени во установата.
По целосно документирање на случајот ќе следува соодветен поднесок, објави МВР во дневниот билтен.