Црна хроника
Татко истепал полицајци кои интервенирале поради насилство на неговиот син
Родител физички нападнал полициски службеници кои во трговскиот центар „Три Бисери“, претходно интервенирале поради тепачка во која бил инволвиран неговиот син.
Како што информираат од МВР, во текот на вчерашниот ден околу 04 часот наутро во полиција било пријавено дека на булеварот „Јане Сандански“ пред угостителски објект во Трговскиот центар „Три Бисери“, Д.Ј. (31) и В.Ѓ. (27) од Скопје, физички биле нападнати од страна на С.С.(23) и уште три непознати лица.
Притоа, двајца полицајци кои во тоа време минувале во близината се обиделе, откако се легитимирале со службени легитимации, да го спречат насилството. Меѓутоа, С.С. со тупаница удрил еден од полициските службеници во пределот на лицето, по што му било возвратено и тој заедно со другите лица кои биле со него влегле во возило и го напуштиле местото на настанот.
Додека полицајците му пружале помош на еден од нападнатите, дошол Б.С. (50) (татко на С.С.) и физички ги нападнал.
Според информациите на МВР, од страна на екипа на Итната медицинска помош им била укажала лекарска помош на повредените, по што Д.Ј. бил пренесен во Комплексот клиники „Мајка Тереза“ каде му биле констатирани телесни повреди. Телесни повреди во Градската општа болница „Свети Наум Охридски“ му се констатирани и на еден од полицајците кој бил задржан на лекување. За настанот е запознат и Одделот за внатрешна контрола, криминалистички истраги и професионални стандарди при МВР, како и дежурен Јавен обвинител, по чии што насоки се работи на целосно расчистување на случајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.