Црна хроника
Тепачки во две скопски кафеани, биле употребени и ножеви
Во два угостителки објектa во Скопје синоќа дошло до тепачки меѓу гостите, при што биле употребени и ножеви. Во физичките пресметки неколку лица биле повредени, од кои едно потешко.
Првиот инцидент се случил во попладневните часови на 22 март во ресторан на улицата Рузвелтова.
Како што информираат од МВР, во тепачката учествувале двајца скопјани на возраст од 18 години од една и две лица од друга страна, од кои едниот бил на возраст од 25 години.
При пресметката бил употребен и нож, а со тешки телесни повреди се здобил 25-годишникот кој бил префрлен во комплексот клиники „Мајка Тереза“, а повреден бил и неговиот пријател. Од другата страна, со повреди се здобил еден од 18-годишниците.
Од полицијата додаваат дека тројцата се обезбедени, а се преземаат мерки за пронаоѓање и за четвртиот учесник во тепчката и целосно расчистување на случајот.
Втората кафеанска тепачка во Скопје се случила по полноќ, на 23 март, во селото Марино.
Во тепачката учествувале 27-годишник од село Кадино од една страна и две лица од друга страна. Во пресметката, 27-годишникот бил прободен со нож. Тој бил пренесен во комплексот клиники „Мајка Тереза“, а неговите напаѓачи се приведени во полициска станица.
Полицијата работи на расчистување и на овој случај.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Детали за кражбата на сефот во скопско Црниче: 23-годишник е еден од осомничените
Основното јавно обвинителство Скопје поведе постапка против 23-годишник осомничен за кривично дело – Тешка кражба од член 236 став 1 точка 1 од Кривичниот законик.
Ноќта меѓу 31 март и 1 април, осомничениот заедно со уште три лица, провалиле во затворен маркет на улицата „Востаничка“ во Скопје, одзеле метален сеф во вредност од 12.000 денари, дневен промет во износ од 228.000 денари и цигари вредни 45.000 денари, или се во вкупна вредност од 285.000 денари.
Со возило пристигнале пред маркетот, со употреба на погоден алат – хебла, клешти и друго делувале врз влезната врата од маркетот, но не успеале да ја отворат. Еден од сторителите го стартувал возилото и удрил со задниот дел, кршејќи ги двете лизгачки врати. Потоа заедно со останатите осомничени ги демонтирале и ги поставиле покрај влезот од маркетот. Преку така направениот отвор сега осомничениот заедно со другите лица влегол во просторијата наменета за вработени, од каде го одзеле металниот сеф со дневен промет и цигарите, па заминале во непознат правец.
Бидејќи постојат околности што очигледно укажуваат на опасност од бегство, јавниот обвинител до судијата на претходна постапка од Основниот кривичен суд Скопје достави предлог за определување мерка притвор на осомничениот. Полицијата соопшти дека работи на откривање на неговите соучесници.
Црна хроника
Казни за 153 возачи во Скопје
Секторот за внатрешни работи Скопје во текот на вчерашниот ден (18.04.2024) продолжи со контролите во областа на сообраќајот.
На територија на град Скопје изречени се вкупно 153 мерки, меѓу кои за возење повеќе од дозволената брзина 28 санкции, 13 мерки за возење без возачка дозвола, 13 санкции за прекршоци што ги прават возачите на мотоцикл, девет мерки за користење мобилен телефон при возење.
Сообраќајните контроли продолжуваат и во наредните денови, најави МВР и апелира до граѓаните да ги почитуваат сообраќајните правила и прописи за посигурни патишта.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.