Црна хроника
Тешко повредени тројца пешаци прегазени од автомобили во Скопје
Во два одделни случаја во Скопје, во текот на вчерашниот ден (30 јануари) тешко повредени се тројца пешаци, откако биле прегазени од автомобили. Според информациите од МВР, станува збор за женски лица на возраст од 78, 74 и 23 години.
Првиот инцидент се случил вчера околу 15 чaсот во населба Аеродром, на крстосницата од булевар АСНОМ со улицата „Васко Карангелески“. Автомобил „опел вектра“, со скопска регистрација, управуван од 41-годишниот Г.Г. од Скопје, удрил во пешаците В.Г. (78) и О.Ш.(74), двете од Скопје.
Во незгодата двете жени се здобиле со тешки повреди, констатирани во Комплексот клиники „Мајка Тереза“.
Во вториот инцидент, исто така тешко повредена е 23-годишна девојка. Тој се случил синоќа во 21 часот на улицата Христијан Тодоровски Карпош.
Како што информираат од МВР, во пешакот Н.К.(23) од Скопје удрил автомобил марка „ауди А3“, управуван од 23-годишен скопјанец (Д.И.). Веднаш потоа девојката било итно пренесена во Комплексот клиники „Мајка Тереза“.
Во двете ситуации полицијата извршила увид на местото на настанот и работи на расчистување на случаите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж од Радовиш со месеци сексуално вознемирувал малолетно девојче
Радовишанец со месеци силувал малолетничка
Вчера, во Полициската станица Радовиш било пријавено дека 45-годишен жител на Радовиш во периодот од јануари до април 2024 година во повеќе наврати извршил обљуба врз малолетничка од радовишко село.
За настанот бил запознаен јавен обвинител од Основното јавно обвинителство Струмица по чии насоки се преземаат мерки за целосно расчистување на случајот.
Црна хроника
Тешко повредено 22-годишно момче, падналo од мопед на коловоз
Вчера, вo 14.30 часот, во СВР Скопје било пријавено дека на крстосницата од улицата Методија Андонов-Ченто со сервисната улица што ги поврзува клучката Ченто и булеварот Александар Македонски, М. Н. (22) од с. Арачиново, Скопско, кој управувал мопед со тетовски регистарски ознаки, паднал на коловозот.
Во несреќата тешки телесни повреди добил М. Н., констатирани во комплексот клиники „Мајка Тереза“.
Извршен бил увид од екипа на СВР Скопје.
Црна хроника
Тетовец агресивно се однесувал со полицаец што вршел обезбедување на претседателските избори
Вчера, во 18.45 часот, полициски службеници од СВР Тетово пред влезот на основно училиште во Тетово го привеле Ѓ. Ј. (37) од Тетово затоа што агресивно се однесувал кон полициски службеник што вршел обезбедување при одржувањето на претседателските избори.
По документирање на случајот, ќе следува соодветен поднесок.