Црна хроника
Уште седуммина од наркогрупата од Грчец се спогодија со обвинителството
Jaвното обвинителство информира дека по спогодбите со седуммина припадници на групата за шверц на дрога, осомничени во предметот „Планина“, склучени се спогодби со уште седум лица од групата во Грчец.
Потсетување, станува збор за акцијата во која беа уапсено 21 лице, за кои потоа обвинителката Вилма Рускоска кажа дека биле продавачите на дрогата, а не и главните наркобосови.
Наркобосовите избегаа, а за акцијата обвинителката кажа дека била пробиена. Тие успеале со себе да ја понесат и дрогата, а во моментот на спроведување на акцијата, локациите каде што се чувала биле исчистени.
Новите седуммина од уапсените кои прифатиле да се спогодат биле запознаени со доказите со кои обвинителството располага и го признале извршувањето на кривичното дело за кое се товарат.
Врз основа на тоа се прогласени за виновни за неовластено производство и пуштање во промет наркотични дроги, информираат од Обвинителството.
„Со пресуда на обвинетите им е изречена казна затвор во која се пресметува и времето поминато во притвор, и тоа:
– на осомничениот С.С.(34) осудуван за други кривични дела, во траење од пет години;
– на осомничените Б.Љ.(39) и Ф.Љ. (33) осудувани за други кривични дела, во траење од по три години и шест месеци и
– на осомничените И.А. (19), С.Е. (21), Е.И. (24) и Ќ.Љ. (29) досега неосудувани, во траење од по три години“, се наведува во соопштението.
Во периодот од месец март 2020 година до месец март 2021 година, наркогрупата неовластено купувала кокаин, хероин и марихуана, а дрогата ја криеле на безбедни локации во селото Грчец.
Заради неовластена продажба организирале мрежа на препродавачи и посредници во која се опфатени и останатите осудени и осомничени лица.
Тие имале задача да воспоставуваат контакти со заинтересирани купувачи од Тетово, Гостивар, Скопје, Струмица и други градови.
Откако ќе ја договореле цената, количината и видот на наркотичната дрога, продавачите ги известувале босовите И.М. и Б.Љ. кои се недостапни на органите на прогонот, а кои им ја давале измерена и спакувана нарачката. Препродавачите добивале процент од постигнатата цена која се движела од 4-5.000 денари по грам за кокаин и од 12-15.000 денари за 100 грама марихуана.
Како предмети што се употребени за извршување и што потекнуваат од кривичното дело, се одземени: едно возило „ауди 3“, 17 мобилни телефони, 32 држачи за СИМ-картички, 13 СИМ-картички, едно пакување бела непозната материја, 6 мали полиетиленски пакувања со кокаин, 5 капсули бела боја и еден куршум.
Обвинетите што се спогодиле со обвинителството се упатени на издржување на изречената казна, а за останатите истражната постапка е во тек.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Се трага по 86-годишно лице од Скопје
Вчера во 13.20 часот во Полициската станица Ѓорче Петров, С.Д.(60) од Скопје пријавил дека од домот се оддалечил неговиот татко Б.Д.(86) од Скопје.
Се преземаат мерки за пронаоѓање на лицето.
Црна хроника
Тепачка помеѓу колешки во средно училиште во Битола
На 18.04.2024 во СВР Битола, Х.Т. (28) од Битола пријавила дека во средно училиште во Битола била физички нападната од нејзината колешка.
Се преземаат мерки за расчистување на настанот.
Црна хроника
Две лица искасани од кучиња скитници во Скопје
Вчера, во 14.15 часот, во Полициската станица Карпош, Т. А. (78) од Скопје пријавила дека на улицата Петар Чаулев во Скопје била касната од куче скитник.
Истиот ден, во 21.15 часот, во Полициската станица Аеродром, Т. Т. (18) од Скопје пријавила дека на улицата Владимир Комаров во Скопје била касната од куче скитник.