Црна хроника
Мајката го украла мајмунчето за да го израдува своето глувонемо дете
Кавадарчанката која во неделата го украде мајмунчето Лука од Зоолошката градина во Скопје, ја извршила кражбата за да го израдува своето глувонемо дете, објавува дневниот весник „Дневник“.
Мајката за весникот изјавила дека сакала да го израдува своето дете и да му го подари мајмунчето за роденден, кој му бил пред шест месеци, во месец април. Тогаш не успеала да му купи ништо, па решила да му го подари мајмунчето кое секогаш го радувало.Мајката со својот свршеник и со своето малолетно дете завчера во 17 часот и 30 минути пристигнала во ЗОО Скопје и со алат направила отвор во мрежата кај мајмунот, по што го залажала со банана, го земала во рацете и избегала со такси. „Мојот свршеник ја соблече маицата и го завиткав во неа, па го носев мајмунчето со мене. Ја прескокнавме задната капија, каде што фрлаат отпад и се качивме во таксито“, објаснила таа за Дневник.Во меѓувреме, за кражбата веќе била алармирана полицијата која го фати парот кој го украде мајмунчето. Тие го крстиле Џеки, а потоа дознале дека веќе има име. „Синчето не може најубаво да ги слушне криците на мајмунчето, ниту може да зборува за да каже колку многу му се радуваше, но неговата насмевка кажуваше сѐ. Потоа дојде полицијата и така заврши нашата необична авантура“, раскажала мајката за Дневник.Мајмунчето беше вратено во Зоолошката во добра здравствена состојба./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Детали за кражбата на сефот во скопско Црниче: 23-годишник е еден од осомничените
Основното јавно обвинителство Скопје поведе постапка против 23-годишник осомничен за кривично дело – Тешка кражба од член 236 став 1 точка 1 од Кривичниот законик.
Ноќта меѓу 31 март и 1 април, осомничениот заедно со уште три лица, провалиле во затворен маркет на улицата „Востаничка“ во Скопје, одзеле метален сеф во вредност од 12.000 денари, дневен промет во износ од 228.000 денари и цигари вредни 45.000 денари, или се во вкупна вредност од 285.000 денари.
Со возило пристигнале пред маркетот, со употреба на погоден алат – хебла, клешти и друго делувале врз влезната врата од маркетот, но не успеале да ја отворат. Еден од сторителите го стартувал возилото и удрил со задниот дел, кршејќи ги двете лизгачки врати. Потоа заедно со останатите осомничени ги демонтирале и ги поставиле покрај влезот од маркетот. Преку така направениот отвор сега осомничениот заедно со другите лица влегол во просторијата наменета за вработени, од каде го одзеле металниот сеф со дневен промет и цигарите, па заминале во непознат правец.
Бидејќи постојат околности што очигледно укажуваат на опасност од бегство, јавниот обвинител до судијата на претходна постапка од Основниот кривичен суд Скопје достави предлог за определување мерка притвор на осомничениот. Полицијата соопшти дека работи на откривање на неговите соучесници.
Црна хроника
Казни за 153 возачи во Скопје
Секторот за внатрешни работи Скопје во текот на вчерашниот ден (18.04.2024) продолжи со контролите во областа на сообраќајот.
На територија на град Скопје изречени се вкупно 153 мерки, меѓу кои за возење повеќе од дозволената брзина 28 санкции, 13 мерки за возење без возачка дозвола, 13 санкции за прекршоци што ги прават возачите на мотоцикл, девет мерки за користење мобилен телефон при возење.
Сообраќајните контроли продолжуваат и во наредните денови, најави МВР и апелира до граѓаните да ги почитуваат сообраќајните правила и прописи за посигурни патишта.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.