Полициски службеници од СВР Тетово денескa во периодот од 16 часот и 30 минути до 18 часот, извршија претрес во домот на Е.А. (26) во Тетово.

При претресот, реализиран со судска наредба, пронајдени се 44 пакувања со марихуана.

Тој е лишен од слобода, а марихуаната е одземена за вештачење и по целосно документирање на случајот ќе му биде изготвен поднесок за “неовластено производство и пуштање во промет на наркотични дроги, психотропни супстанци и прекурсори”, казниво по Кривичниот законик, информира МВР.

Кривична пријава за лица од валандовско кои ги прекршиле здравствените протоколи за време на пандемија и во угостителски објект организирале забава и музика во живо, информираат од Министерството за внатрешни работи.

Од таму додаваат дека СВР Струмица поднело кривична пријава против правно лице – угостителски објект од Валандово и А.Б.(43) од с.Балинци, валандовско, поради постоење основи на сомнение за сторено кривично дело „непостапување според здравствените прописи за време на епидемија“.

На 01.08.2020 во 22.00 часот, полициски службеници извршиле контрола во угостителскиот објект, сопственост на А.Б., при што било констатирано дека на повеќе маси биле присутни повеќе лица, а бил организиран и музички настан со музика во живо, со што било постапено спротивно на протоколот за отворање и работа на угостителски објекти, известуваат од МВР.

Едно лице од Скопје било физички нападнато со тврд предмет додека извршувал работни задачи во сервис на подрачјето на Гази Баба, информира полицијата.

Од таму дообјаснуваат дека вчера во 18.50 часот во СВР Скопје, Г.Т.(50) од Скопје пријавил дека околу 14.00 часот, додека извршувал работни задачи во сервис на подрачје на Гази Баба, по претходно недоразбирање, бил физички нападнат со тврд предмет од С.И.(36) од с.Сингелиќ, скопско.

Сочинет бил записник за констатиран прекршок по член 12 од Законот за прекршоците против јавниот ред и мир, велат од МВР.