Претседателот на избирачкиот одбор на избирачко место 1149 во селото Клечовце, општина Старо Нагоричане, попладнево во полиција пријавил дека во близина на гласачкото место имало штаб на политичка партија на кој имало излепено рекламен материјал од политичката партија и дека пред штабот имало поголема група на граѓани кои агитираат.

Полицијата презема мерки за расчистување на случајот.

Претседателката на гласачкото место 2662 на улицата „Антон Попов“ во скопската полиција пријавила дека околу 12.45 часот, М.П.(36) при остварување на право на глас од четири ливчиња, само едно ставил во гласачка кутија, додека другите ги скинал и ги оставил на пултот за гласање.

За тоа бил известен присутен полициски службеник, по што лицето е лишено од слобода и приведено во полициска станица.

По извршени консултации со јавен обвинител, утврдено е дека постојат основи на сомнение за извршено кривично дело уништување на изборен материјал.

МВР информира за два изборни инцидента во кои попладнево учествувале гласачи од Гостиварско.

Во првиот настан, околу 14 часот и 30 минути приведен бил 36-годишниот З.А. од Гостивар, кој се сомничи дека на избирачкото место број 423, лоцирано во гостиварско СТОУ, со мобилен телефон го фотографирал гласачкото ливче.

Во вториот случај, во 14 часот и 50 минути полициски службеници на СВР Тетово го привеле Н.С.(62) од гостиварското село Речане, поради сомнение за учество во тепачка со друго лице од истото село, која се случила во дворот пред основното училиште „Лирија“, каде е сместено избирачкото место 528.

Полицијата презема мерки за расчистување и документирање на двата случаја.