Црна хроника
186 санкционирани возачи во Скопје, 40 возеле над дозволеното

Министерството за внатрешни работи во текот на вчерашниот ден продолжи со засилените акциски контроли во областа на сообраќајот.
На територијата на Град Скопје биле изречени вкупно 186 казни, меѓу кои 40 за возење над дозволената брзина, 21 санкција за возење без возачка дозвола, шест санкции за технички неисправни и нерегистрирани возила.
Изречени биле и шест казни за користење мобилен телефон, 12 за непрописно престројување, седум санкции за непрописно престигнување и обиколување, четири прекршоци што ги направиле возачите на мотоцикли, 63 за непрописно паркирање.
Засилените акциски сообраќајни контроли продолжуваат, најави полицијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Детонација пред казино во Кисела Вода

Силен звук, како детонација одекнал 40 минути по полноќ пред казино на улицата Христо Татарчев во Кисела Вода.
Нема повредени лица, а нема ниту оштетувања на казиното и на околните објекти.
Ова го соопшти МВР без да објави повеќе информации за инцидентот.
Извршен бил увид и се преземаат мерки за расчистување на случајот, велат од МВР.
Црна хроника
Maлолетничка натепана во автобус на ЈСП, нападнат и скопјанец кој се обидел да и’ помогне

Малолетно девојче било нападнато во автобус со бројот 57 вчера во Скопје.
Според информациите од полицијата, нападнат бил и 32-годишен скопјанец кој се обидел да ја одбрани малолетничката.
„На 07.02.2023 во 14.10 часот во СВР Скопје било пријавено дека околу 12.30 часот во автобус бр.57 на ЈСП на подрачјето на Бит Пазар, едно лице физички нападнало малолетничка од Скопје, а потоа физички го нападнало и Ќ.С.(32) од Скопје, кој сакал да ја одбрани малолетничката“, соопшти МВР.
Се работи на расчистување на случајот.
Црна хроника
Гостиварец потрошил над 2.000 евра од туѓа платежна картичка

Полицијата поднесе кривична пријава против Е.С.(34) од Гостивар, поради постоење основи на сомнение за сторено кривично дело „издавање чек без покритие и злоупотреба на платежна картичка“.
„Во периодот од 30.12.2022 до 04.01.2023, пријавениот злоупотребил платежна картичка на едно лице и во неколку наврати од различни локации извршил плаќања во угостителски објекти и хотели во Гостивар, а воедно и подигнал парични средства од банкомати во градот во износ од 2.556 евра“, велат од МВР во дневниот билтен.