Црна хроника
Скопјанец осомничен за компјутерски криминал
Единицата за борба против компјутерски криминал при Министерството за внатрешни работи поднесла кривична пријава против 52-годишен скопјанец, поради сомнение дека сторил две кривични дела „оштетување и неовластено навлегување во компјутерски систем“, од кои едното во обид
Од Министерството за внатрешни работи соопштија дека пријавениот делото во обид го сторил во текот на ноември 2008 г., кога имал намера да се стекне со противправна имотна корист за себе и за друг, па направил преправање на пластична картичка на која вметнал вистински податоци од платежна картичка во сопственост на странски државјанин, кои податоци ги поседувал нелегално и на 13 ноември 2008 г. од банкомат на македонска банка извршил една нелегална трансакција која била неуспешна. Во соопштението се додава дека од обезбедената видеодокументација од поставената камера на банкоматот и по извршено споредување со претходно обезбедени фотографии за лица кои се занимаваат со ваков вид криминал е констатирано дека пријавениот ја извршил трансакцијата.Поради основано сомнение дека пријавениот поседува опрема за преземање податоци од платежни картички, во мај годинава при претрес во домот на пријавениот се пронајдени предмети наменети за прибирање на податоци од платежни картички со што го сторил второто кривично дело.Притоа, како што се наведува во соопштението, пронајдените предмети се привремено одземени и доставени до Одделот за криминалистичка техника при МВР заради вештачење од каде што е утврдено дека наведените предмети претставуваат опрема наменета за снимање на аудио и видео записи, кои записи се снимаат во меморијата на уредот, а кои потоа можат да се прегледуваат со помош на компјутер.Во евиденциите на МВР, осомничениот е регистриран како сторител на кривични дела тешки кражби и разбојништво за што од страна на надлежниот суд во 2003 г. му била изречена затворска казна во траење од две години и 10 месеци и во 2007 г. добил условна осуда.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Претрес во Свети Николе, пронајдена дрога
На 19.04.2024 во 12.00 часот во Свети Николе, полициски службеници од Полициската станица Свети Николе ги лишиле од слобода Д.С.(34) и Д.С.(34), двајцата од Свети Николе. При претрес во нивниот дом, извршен со судска наредба, била пронајдена и одземена марихуана.
Лицата биле задржани во полициска станица и по целосно документирање на случајот против нив ќе биде поднесена соодветна пријава.
Црна хроника
Приведен дилер во Охрид, пронајдена дрога
Денеска (20.04.2024) во 00.55 часот во Охрид, полициски службеници од Одделението за недозволена трговија со дрога и оружје при СВР Охрид го лишиле од слобода Б.Н.(33) од Охрид. Откако бил забележан од полициските службеници во неговото возило, тој фрлил кесичка со бела прашкаста материја која била пронајдена и одземена.
Подоцна, со судска наредба, бил извршен и претрес во неговиот дом, при што биле пронајдени и одземени бела прашкаста материја, дигитална вага со остатоци од бела прашкаста материја и други предмети со остатоци од бела прашкаста материја.
Лицето било задржано во полициска станица и по целосно документирање на случајот против него ќе биде поднесена соодветна пријава.
Црна хроника
Се трага по 86-годишно лице од Скопје
Вчера во 13.20 часот во Полициската станица Ѓорче Петров, С.Д.(60) од Скопје пријавил дека од домот се оддалечил неговиот татко Б.Д.(86) од Скопје.
Се преземаат мерки за пронаоѓање на лицето.