Контакт

Црна хроника

Kривични пријави за лажниот штипски дервиш

Објавено пред

Лажниот дервиш од Штип заработи две кривични пријави од полицијата за измама на двајца жители на велешко Оморани за 14 илјади евра

Велешката полиција поднесе две кривични пријави против 42-годишен штипјанец  поради измама на двајца жители, инаку братучеди, од велешкто село Оморани. Тој лажно се претставувал како дервиш, кој двајцата братучеди ги запознал преку една нивна сосетка од селото.Со оштетениот 38-годишник првпат се сретнал на железничката станица во Велес.Тој се понудил да го реши неговиот семеен проблем, односно да му ја врати сопругата од која бил разведен. Лажниот дервиш го терал да му носи  за баење прво храна, а потоа и пари завиткани во маица. Измамникот ја отшивал маицата  и внатре ставал гранчиња пишувал ливчиња со букви кои личат на арапски и повторно му ги враќал велејќи му дека додека не заврши работата не смее да ја отшие маицата бидејќи ќе му се искриви устата и ќе му се случи нешто лошо. Во повеќе наврати така го измамил за вкупно 12 илјади евра.Истото му се случило и на 37-годишниот братучед на првооштетениот, кому лажниот дервиш му ветил дека со баење ќе им помогне нему и на сопругата да добијат деца. ОВојапта измамата биал во висина од две илјади евра. По извесно време, кога „резултатите“ од баењето на дервишот изостанале, братучедите се посомневале во него и ги отшиле маиците, по што сфатиле дека се измамени кога внатре наместо евра нашле хартија, по што случајот го пријавиле во полиција.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника

Гостиварци уништиле шума за да изградат пат без дозвола

Објавено пред

Тетовската полиција поднесе кривична пријава против двајца жители од гостиварското село Форино на возраст од 61 и 71 година.

Како што информираат од МВР, во текот на 2017 година второпријавениот, како инвеститор, склучил договор со првопријавениот за правење пат кон селото, без обезбедено одобрение од Јавното претпријатие „Национални шуми“.

По ова, од почетокот на годинава до 31 мај, во атарот на село Форино, на место наречено Форински Извори, на парцели во сопственост на „Национални шуми“, 61-годишникот со работна машина го пробил патот, без потребното одобрение.

Притоа тој оштетил 86 стебла, односно 15,38 кубни метри црн габер.

Со ова пријавените на Јавното претпријатие „Национални шуми“ му нанеле штета од 118.020 денари. Двајцата селани се товарат за сторени кривични дела пустошење шума и помагање.

 

 

Прикажи повеќе...

Црна хроника

Обвинение за Косовци што краделе облека од скопски трговски центар

Објавено пред

Скопското основно јавно обвинителство поднесе обвинение против двајца косовски државјани кои се товарат дека од скопски трговски центар украле две парчиња облека во вредност од 17.580 денари.

Како што информираат од Обвинителството, обвинетите, по претходен договор, на 11 октомври, во две продавници лоцирани во трговски центар во Скопје, украле јакна вредна 11.290 денари и елек во вредност од 6.290 денари.

Кражбите ги извршиле користејќи исти услови и околности – првообвинетиот, на возраст од 19 години, влегувал во гардеробата на бутиците со намера да ја проба облеката. За тоа време второобвинетиот, на возраст од 22 години, стоел пред гардеробата и чувал стража.

Потоа, 19-годишникот на сила ги отстранувал бип-алармите закачени на облеката и ја облекувал на себе под облеката. Потоа двајцата ја напуштале продавницата.

Двајцата Косовци се товарат за продолжено кривично дело тешка кражба.

Бидејќи се работи за странски државјани и постои опасност да се дадат во бегство, надлежен јавен обвинител до Основниот кривичен суд Скопје достави предлог за продолжување на претходно определената мерка притвор за двете лица.

 

Прикажи повеќе...

Топ

Откриена 14-члена криминална група, која организирала шверц на 400 мигранти од Грција

Објавено пред

Одделот за сузбивање организиран и сериозен криминал, Секторот за криминалистички истраги, Националната единица за сузбивање шверц на мигранти и трговија со луѓе, во содејство со Одделот за специјални и посебни операции, Регионалниот центар за гранични работи „Југ“ и СВР Струмица, под раководство на јавен обвинител од ОЈО за гонење организиран криминал и корупција, спроведе координирана полициска операција со цел расчистување кривични дела што се однесуваат на организирање група за вршење кривични дела шверцување мигранти, кои преку јужната граница остваруваат нелегален влез во земјата, по што од членовите на криминалната група се прифаќаат и превезуваат до Кумановско-липковскиот Регион за натамошен транспорт кон север, соопшти Тони Ангеловски, портпарол на МВР, на прес-конференција.

„Криминалистичката истрага над организираната 14-члена криминална група, со дефинирана структура и строга хиерархиска поставеност, се спроведуваше во изминатите осум месеци, односно од март до октомври 2019 година. Оваа криминална група во периодот од март 2019 година до сега организирала шверц на 400 мигранти по потекло од Aвганистан, Пакистан, Ирак, Бангладеш и други земји од Блискиот и Средниот Исток, кои претходно престојувале на територијата на Грција, а меѓу кои имало и деца, стекнувајќи се притоа со значителна противправна имотна корист од 150.000 до 200.000 евра“, рече Ангеловски.

Кога мигрантите во земјата биле пренесувани илегално од територијата на Грција преку т.н. зелена граница во околината на Гевгелија и Дојран, со помош на водичи биле носени на претходно утврдени и договорени локации. Од овие локации членовите на групата ги прифаќале мигрантите со патнички и товарни возила и ги превезувале до локации во близина на с. Марвинци, с. Фурка, Богданци, Удово и Демир Капија. Оттаму се вршело прифаќање и превезување на мигрантите до однапред договорени локации на автопатот Куманово – ГП Табановце, од каде што биле прифаќани од други лица – нивни криминални соработници, и носени во кумановските села Ваксинце и Лојане, каде што биле привремено сместувани и засолнувани во објекти на соработници и помагачи на криминалната група, а потоа шверцувани преку северната граница кон државите на ЕУ.

Соработници во организираната криминална група биле и Б. Г., кандидат за полициски службеник, и Ф. А., полициски службеник, со цел добивање известувања за евентуална поставеност на полициски патроли, контроли или заседи.

„При реализацијата на оваа криминалистичка истрага претреси беа извршени во 12 објекти во Скопје, Гевгелија и во Валандово, а лишени од слобода беа девет лица. Едно лице веќе е во затворот ‘Скопје’, едно во КПУ ‘Идризово’ и едно е во затвор во Србија“, соопшти Ангеловски.

ОСОСК до ОЈО за ГОКК поднесе кривична пријава против 14 лица, и тоа едно лице кое е со привремен престој на територијата на Грција, М. С. (45) од с. Богородица, Гевгелија, И. Ѓ. (20) од с. Ново Конско, Ќ. А. (28) од Арачиново, Н. М. (35) од Арачиново, Б. Г. (24) од с. Марвинци, И. Ѓ. (49) од с. Ново Конско, Б. Р. (28) од Арачиново, Љ. А. (26) од Арачиново, Х. А. (27) од с. Арачиново, .П. (27) од с. Богородица, С. К. (23) од с. Селемли, Ф. А. (32) од с. Јосифово и Д. М. (22) од Богданци, поради постоење основано сомнение сториле кривични дела: организирање група и потикнување на извршување на делата трговија со луѓе, трговија со дете и шверцување мигранти, предвидено и казниво по член 418-в, став 1 и 2, шверцување мигранти, предвидено и казниво по член 418-б, став 2 и став 4 од КЗ и помагање во врска со истото кривично дело.

Прикажи повеќе...

Најново

Свет56 минути

(Видео) Судири на протестот на пожарникарите во Париз, полицијата употреби солзавец и водени топови

Француската полиција употреби солзавец и водени топови во судирите со пожарникарите кои протестираат во Париз. #Policiers contre #pompiers, quand les...

Македонија2 часа

Министрите на ЕУ не донесоа одлука за почеток на преговори со Северна Македонија

Министрите за надворешни работи на земјите членки на Европската Унија не донесоа одлука за определување датум за почеток на преговори...

Европа4 часа

(Видео) Најмалку 170 повредени во судирите во Барселона

Најмалку 170 лица се повредени, меѓу кои и 40 полицајци, во судирите меѓу демонстрантите и полицијата кај Меѓународниот аеродром во...

Спорт5 часа

Михајлов ја презеде одговорноста, си поднесе оставка

Претседателот на Фудбалскиот сојуз на Бугарија Борислав Михајлов ја напуштил функцијата по расистичките испади на навивачите на синоќешниот квалификациски натпревар...

Свет6 часа

Оштетен аеродромот во Барселона, откажани 45 лета

Поради протестите во Шпанија, откажани се 45 лета на меѓународниот аеродром „Ел Прат“ во Барселона, кој, според информациите, претрпел мала...

Свет6 часа

Руската сајбер-шпионка од скандалот со велешките лажни интернет-страници приведена во Минск

Руската државјанка и осомничена сајбер-шпионка, Ана Богачева, на која САД ѝ наметнаа санкции поради наводно мешање во изборите и чие...

Топ7 часа

Откриена 14-члена криминална група, која организирала шверц на 400 мигранти од Грција

Одделот за сузбивање организиран и сериозен криминал, Секторот за криминалистички истраги, Националната единица за сузбивање шверц на мигранти и трговија...

Македонија8 часа

Кривични пријави против Меѓународниот сојуз, „Томато продукција“ и „БМЈ медија груп“

Против Меѓународниот сојуз на Бојан Јовановски – Боки 13, против „Томато продукција“, каде што беше сместена телевизијата „1ТВ“, и против...

Економија8 часа

Владата ја зголеми минималната плата на 14.500 денари

Владата ја зголеми минималната плата на 14.500 денари, објави на владина седница премиерот Заев. Тој истакна дека е постигнат договор...

Македонија9 часа

Заменик-министерот за здравство, Асим Муса, поднесе оставка

Заменик-министерот за здравство, Асим Муса, денеска, на прес-конференција, соопшти дека се повлекува од функцијата. Неговата одлука за повлекување следува по...

Македонија10 часа

На судењето за ТНТ вештак тврди дека и со „нокиа 3310“ може да се прислушува

Во Кривичниот суд утрово продолжи судењето за предметот ТНТ на СЈО. Беше сослушан вештакот Орце Симев, предложен од обвинетите. Вештакот,...

Македонија10 часа

Пендаровски до ЕУ: Дајте ни шанса и дозволете ни да покажеме дека сме подготвени

Македонскиот претседател, Стево Пендаровски, денеска очекува одлука од Европската Унијија, а не сигнал. Тој во интервју за австрискиот весник Die...

Дијаспора12 часа

Македонски организации во Бугарија: Ја повикуваме Софија да го запре говорот на омраза

,,За жал не може да се каже дека прифатената позиција на Владата и парламентот на Република Бугарија изненадува – таа...

Македонија12 часа

Поранешни вработени во „Охис“ на протест пред Собрание, бараат неисплатени плати

Вработени во „Охис“ ја блокираа улицата пред Собранието. Бараат исплата на 24 неисплатени плати. Велат дека протестираат секој вторник и...

Европа12 часа

(Видео) Се судрија полицијата и демонстрантите во Барселона

Илјадници каталонски сепаратисти излегле на улиците во Барселона и се обиделе да го блокираат барселонскиот аеродром по пресудата на деветмина...

Регион13 часа

Пожар во бегалски камп на Самос, се евакуираат мигрантите

Грчките власти евакуираат преполн прифатен центар за мигранти и азиланти на егејскиот остров Самос, каде избувна голем пожар по судир...

Македонија13 часа

Османи во итна посета на Луксембург и Брисел на консултации со ЕУ

Заменик-претседателот на Владата задолжен за европски прашања, Бујар Османи, денеска, патува за Луксембург и Брисел на последни консултации и разговори...

Спорт23 часа

Ајакс со еколошки гест – до Лил ќе патуваат со воз наместо со авион

Холандските шампиони, Ајакс, се решија за еколошката опција за патувањето за следниот меч во Лигата на шампионите против францускиот Лил,...

Македонија1 ден

Пронајден затвореникот кој утрово им побегна на затворските чувари додека купувале сендвич

Полицијата го пронајде и уапси затвореникот кој утрово успеа да им помогне на затворските чувари додека купувале сендвич. Од МВР...

Македонија1 ден

Димитров во Брисел: Европа да ја согледа важноста и да донесе визионерска одлука

Во рамки на првиот ден од работната посета на Брисел, министерот за надворешни работи, Никола Димитров, за првпат се обрати...

Досие