При ископ на песок, во сепарација во близина на село Огњанци-Скопје е пронајдена ловна пушка. Случајот бил пријавен во Единицата за информирање и команда.

По пристигнување на полициски службеници од Полициско одделение Петровец, било констатирано дека се работи за стара ловна пушка, која во голема мера е оштетена и заради тоа не може да се утврди серискиот број. Известени се инспектори од ОНТ – оружје и увидна екипа кои ќе ја подигнат пушката на местото на настанот за превземање на понатамошна постапка.

Возило се запалило на патот Велес-Скопје. Како што информираат од полицијата, вчера во Единицата за информирање и команда, А.З. пријавил дека околу 3 часот додека се движел по автопатот Велес – Скопје, во близина на клучка „Хиподром“ со возило „пежо 206“, сопственост на приватна фирма од Струмица, забележал дека возилото ја губи погонската сила, по што застанал.

Од клима уредот и моторот возилото почнало да чади и потоа се запалило, при што изгорело во пределот на моторот и внатрешноста. Од страна на БППЗ со едно противпожаено возило пожарот е изгаснат.

Деветнаесетгодишно момче од Арачиново е избодено со нож поради сообраќајна расправија. Според полицијата, вчера околу 15.30 часот во скопското село Арачиново-Скопје на улицата.“10“ во близина на џамијата, поради расправија за движење по улицата, Р.Б. од Арачиново со нож го нападнал соселанецот Е.Р. (19), кој бил во друштво со И.М. (18) од селото Сингелиќ.

Притоа Р.Б. на му нанел расекотина на момчето и побегнал. Според полицијата, на Е.Р. му е укажана лекарска помош во ГОБ “Наум Охридски“, каде му се констатирани телесни повреди, по што е пуштен на домашно лекување. Се преземаат мерки за расчистување на случајот.