Контакт

Црна хроника

Криминалот намален за речис пет отсто од лани

Објавено пред

Во областа на класичниот криминал во текот на првото полугодие се регистрирани вкупно 12.224 кривични дела, што преставува намалување за 4,9 проценти во однос на истиот период од 2008 г.

Повеќе од половина кривични дела се регистрирани на подрачје на СВР Скопје 6.285 или 51,4 проценти од класичниот криминал е регистриран на скопско подрачје. Следи СВР Тетово со регистрирани 1.229 дела, Куманово со 1063 дела, Битола со 957 дела, Струмица со 922 дела, СВР Штип со 609, Охрид со регистрирани 593 и најмалку дела се регистрирани на подрачје на СВР Велес – 557. Од страна на Одделот за организиран криминал се реализирани девет дела од оваа област.Најголем број дела отпаѓаат на тешките кражби 5.607 или 45,9 проценти, додека останатите дела се застапени во помал број. Од тешките кражби, најголем број-1061 се извршени во возила, потоа во куќи и станови-803, продавници-432, викендици-181, а останатите се извршени во други објекти како што се подруми, магацини, воспитно-образовни институции, трафики, угостителски објекти, претпријатија и друго. При вршењето на тешките кражби во возила најчесто се одземани ЦД-плеери и автоделови, а во куќните кражби  пари, накит, техничка стока.МВР соопшти дека ова полугодие се регистрирани четири случаи на подметната и активирана експлозивна направа и тоа три во Скопје и една во Прилеп, сите во патнички возила. Регистрирани се и шест случаи на анонимна пријава за подметната бомба, од кои четири на подрачје на Скопје,и две на подрачје на Битола.  Од потешките облици на кривични дела со елементи на насилство се регистрирани вкупно 492  кривични дела од кои 17 убиства, 13 убиства во обид, 115 тешки телесни повреди, 20 изнуди, две уцени,  15 противправни лишувања од слобода, осум грабнувања  и 302 разбојништва. Во споредба со истиот период од 2008 година,  кога беа регистрирани  407 потешки дела со елементи на насилство, се бележи зголемување за 20,9 проценти.Расветлени се 308 дела, односно 14 убиства, 12 обиди за убиства, сите противправни лишувања од слобода, 19 изнуди, седум грабнување, две уцени,111 тешки телесни повреди,  како и 128 разбојништва. Ова полугодие се извршени 17 убиства и тоа на подрачје на Скопје – шест, три во Охрид, по две во Прилеп и Куманово, и по едно во Тетово, Крива Паланка, Велес и Штип. Мотивите најчесто биле семејни расправии, раскинати љубовни врски, нерасчистени имотни односи, како и меѓусебни расправии.  Нерасветлени останаа три убиства, две во Скопје и едно во Велес.Кај обидите за убиство, нерасветлено остана само едно кривично дело извршено во Скопје. Делата „тешка телесна повреда”-115 се зголемени во однос на истиот период од 2008 за 32,2 проценти,  но ефикасноста при нивното расчистување е на високо ниво, односно нерасветлени останале само четири дела. Повредите на жртвите најчесто им се нанесени со физичка сила, а само во осум случаи со  нож во еден случај со огнено оружје, додека мотив за извршување на овие дела се претходно настанати расправии и тепачки.Во рамките на кривичните дела против слободите и правата на граѓаните, регистрирани се осум кривични дела „грабнување„, од кои четири на подрачје на Скопје и по едно на подрачје на Охрид,Тетово, Гостивар и Куманово. Мотив за извршување на кривичните дела „грабнување„ во три случаи се нерасчистени долгови, во по два случаи меѓусебни нетрпенија и љубовни мотиви и во еден случај изнуда на пари. Како покарактеристични се грабнувањето на градоначалник од кој сторителите изнудиле 10 илјади евра за негово ослободување, како и грабнувањето лице од Лопате, извршено од четворица сторители кои физички го малтретирале за да ја напушти неговата вонбрачна сопруга инаку сестра на двајца од пријавените. Од 15-те  кривични дела „противправно лишување од слобода”, пет се извршени на подрачје на   Скопје, три во Охрид, по две на подрачје на Гостивар и Тетово и по едно во Св.Николе, Крива Паланка и Битола додека мотивите за нивно извршување се различни. Од имотните деликти со елементи на насилство, најбројни се разбојништвата – 302, кои се зголемени во однос на  првото полугодие од 2008 година, кога беа регистрирани 235 разбојништва. Расветлени се 128 разбојништва. Најзастапени ова полугодие се  разбојништвата на отворен простор – 148, поголемиот дел, односно 87 проценти се извршени на скопско подрачје. Уличните разбојништва во Скопје, најчесто се вршат на добро познатите локации  на „Кеј 13-ти Ноември”, на плоштадот „Македонија” и Градски Парк, што и вообичаено претставуваат црни точки, и тоа најчесто во временскиот период помеѓу 21 и 03,00 часот, додека сторителите претежно делувале во пар или во група.  Во случајот каде објект на вооружениот грабеж била експозитура на „Прокредит Банка“  е употребено огнено оружје, каде при пукањето тешко телесно се повредени двајца полицајци и еден случаен минувач. По преземени мерки разбојништвото во „Прокредит банка“ е расветлено, при што три лица се кривично пријавени.Од имотните деликти со елементи на насилство се регистрирани 20 кривични дела „изнуда”, од кои само едно остана нерасветлено, со што службата постигна значителни резултати во работењето. Од нив шест  се изршени во Скопје,  три во Гостивар, по  две во Тетово и Охрид и по едно во Битола, Куманово, Кавадарци, Кичево,Радовиш, Валандово и Сруга , а мотив во повеќето случаи е изнуда на парични средства поради наводен паричен долг. Од областа на делата против половата слобода и морал, ова  полугодие се регистрирани вкупно 73 дела, од кои 30 дела „полов напад над малолетник кој не навршил 14 години“, 19  дела „силување”, 10 кривични дела „задоволување полови страсти пред друг“,  шест дела  „родосквернавење”, четири  дела „обљуба врз немоќни лице“, две  дела „посредување во вршење проституција“ и по едно кривично дело „подведување и овозможување полови дејствија“ и „прикажување порногравски материјал на дете“. Како покарактеристични би се навеле случајот кога жител на село Лисичани подолг временски период вршел роддосквернавење над својата малолетна ќерка,инаку лице со посебни потреби,при што истата забременила, како и случајот во село Љубанци каде во изнајмен стан таткото во повеќе наврати  сексуално ги искористувал своите ќерки на седум и осумгодишна возраст.   Од Одделот за организиран криминал во првото полугодие од 2009 година се откриени шест кривични дела од областа на насилниот криминал, од кои четири кривични дела „разбојништво„, и по едно кривично дело „изнуда„ и „измама„, како и три кривични дела „фалсификување исправа„ и две кривични дела од областа на недозволената трговија „присвојување на добра под привремена заштита или културно наследство или природни реткости„. Во двата случаи се работи за повеќе предмети од археолошко потекло, со непроценлива вредност, поголема количина метални стари монети,прстени,метални врвови за стрели,статуетки,неолитско камено орадие и други предмети, од кои дел се одземени од 44–годишно лице државјанин на Хрватска, при обид да ги изнесе од државата во патничко возило, а дел од предметите се пронајдени при извршени претреси во домовите кај три лица во Штип,Валандово и Неготино.цр/14:21



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника

Прекршочна пријава за еко-активисти, испишувале графити на Министерството за екологија

Објавено пред

Полицијата поднесе прекршочна пријава против еко-активисти кои испишувале графити на Министерството за економија. Од движењето „Fridays For Future Skopje“ велат дека нивната акција имала цел да ја крене свеста за загадувањето и климатските промени, но наместо тоа се соочиле со нечовечки пристап кој, како што велат, само ја потврдува вистинитоста на пораката што сакале да ја пренесат.

Според информациите на МВР, вчера во 17.10 часот на улица „Филип Втори Македонски“ во Скопје поточно пред Министерство за екологија, Е.Д.(26) од Неготино,С.Ц.(22) од Битола, И.Б.(34) од Скопје, Ј.Н.(19) од Скопје, како и една 16-годишна малолетничка од Скопје го нарушиле јавниот ред и мир со испишување на графити во вид на дланки од раце на прозорците на Министерството и натпис на плочникот пред прозорците со цел покренување акција за еколошка свест.

Еко-активистите се дел од движењето „Fridays For Future Skopje“. Од таму реагираат дека обезбедувањето на Министерството создало непотребна тензија околу обичен креативен перформанс.

„При реализирање на нашата протестна акција, обезбедувањето на Министерството за животна средина донесе арбитрарна одлука да нѐ задржи и да повика полиција, создавајќи непотребна тензија околу обичен креативен перформанс. Нашата акција имаше цел да ја крене свеста за загадувањето и климатските промени не само кај јавноста туку и внатре во институцијата за животна средина. Наместо тоа се соочивме со нечовечки пристап кој само ја потврдува вистинитоста на пораката што сакавме да ја пренесеме. Поради една безопасна герила акција која укажуваше на индолентноста на властите околу проблемот со животната средина, нашите активисти беа предмет на вознемирување, заплашување и испрашување како да извршиле терористички, а не симболичен акт во интерес на општото добро“, велат од еколошкото движење „Fridays For Future Skopje“.

Прикажи повеќе...

Топ

Пронајдени 47 мигранти во камион кај Струмица

Објавено пред

Четириесет и седум мигрнати биле пронајдени во паркиран камион кај Струмица, возачот на возилото избегал.

Вчера околу 21 часот на излезот од село Банско кон село Свидовица, полициски службеници пронашле паркирано товарно моторно возило „фиат дукато“ со скопски регистарски ознаки во кое што биле пронајдени 47  мигранти од Авганистан, Пакистан и Ирак, додека возачот на возилото избегал.

За настанот е запознат јавен обвинител, а лицата се сместени во Прифатен центар за странци во Скопје и Привремениот транзитен центар во Гевгелија.

Увид на местото на настанот извршила увидна екипа од СВР Струмица и се преземаат мерки за расчистување на случајот.

Прикажи повеќе...

Топ

Приведени двајца дилери на дрога во Неготино

Објавено пред

Полицијата поднесе кривична пријава против А.Т.(42) од Неготино и М.А.(29) од село Корешница, демиркаписко за неовластено производство и пуштање во промет на наркотични дроги, психотропни супстанци и прекурсори.

Завчера бил извршен претрес во домот на А.Т. во Неготино, при што биле пронајдени кокаин и хероин, кои биле спакувани за улична продажба. Додека, во периодот од 14.15 и 15.30 часот бил извршен претрес во домот М.А. при што биле пронајдени марихуана и амфетамин, кои биле спакувани за улична продажба.

Веднаш потоа, лицата биле приведени во полициска станица, а судија на претходна постапка им одредил притвор во траење од 30 дена.

Инаку, двете лица се познати дилери на дрога на подрачјето на Неготино и повеќе пати издржувале затворски казни за недозволена трговија со дрога. Пред еден месец и двајцата излегле од затвор и веднаш продолжиле со улична продажба на дрога.

Прикажи повеќе...

Најново

Топ4 часа

Пронајдени 47 мигранти во камион кај Струмица

Четириесет и седум мигрнати биле пронајдени во паркиран камион кај Струмица, возачот на возилото избегал. Вчера околу 21 часот на...

Европа4 часа

(Видео) Археолозите со неверојатно откритие – пронајдена гробницата на Ромул во Рим

Италијанските археолози соопштија дека во центарот на Рим откриле древна гробница која речиси сигурно е посветена на основачот на Рим,...

Топ5 часа

Приведени двајца дилери на дрога во Неготино

Полицијата поднесе кривична пријава против А.Т.(42) од Неготино и М.А.(29) од село Корешница, демиркаписко за неовластено производство и пуштање во...

Европа5 часа

Прва жртва на коронавирусот во Европа, почина пациент во Италија

Пациент заразен со коронавирус во градот Падова, на северот на Италија, почина, со што стана прва жртва на вирусот во...

Свет6 часа

СЗО: Земјите мора да дејствуваат брзо пред да биде предоцна

Шансите за сузбивање на ширењето на епидемијата на коронавирусот во светот се намалени, предупреди Светската здравствена организација (СЗО), нагласувајќи дека...

Топ20 часа

(Видео) Сеопфатното сексуaлно образование ќе превенира и скандали како „Јавна соба“

Порнографските материјали на малолетници дистрибуирани преку групата „Јавна соба“ на апликацијата „Телеграм“, бременост кај малолетнички, насилство базирано кон оние со...

Македонија22 часа

Спасовски: Владата разгледува две можни решенија за надминување на кризата со пасошите

Владата разгледува две можни решенија за надминување на пасошката криза, односно „Веридос“ што е можно побрзо да ги испорача обрасцирте...

Македонија22 часа

(Видео) Коалиција Села – Гаши: Ќе го победиме Ахмети, ние стоиме на зборот за разлика од ДУИ

Под мотото „Држава за сите“, Алијанса за Албанците на Зијадин Села и Алтернатива на Африм Гаши ќе настапат заедно на...

Македонија23 часа

Мицкоски: Идната коалиција ќе биде на база на програма, а не на победник со победник

Претседателот на ВМРО-ДПМНЕ, Христијан Мицкоски, одговарајќи на новинарски прашања најави дека доколку ВМРО-ДПМНЕ победи на изборите, тоа не мора да...

Економија23 часа

Запленети 113 килограми тутун и 415 кутии цигари во Скопје и Тетово

Царинската управа во соработка со Државниот пазарен инспекторат, денеска во две акции во Скопје и Тетово заплени 113 килограми тутун...

Топ1 ден

Шверцери на мигранти признаа вина, условно се казнети и ќе бидат протерани од земјава

По поднесен обвинителен акт од страна на Основното јавно обвинителство за гонење организиран криминал и корупција за предметот во кој...

Македонија1 ден

(Видео) Падна пресуда за „Змиско око“ – четворица вработени на патарините починале за време на историското судење

По 13 години низ судските лавиринти, денеска падна првостепената пресуда за веќе историскиот случај „Змиско око“. Претходно, во два наврата...

Македонија1 ден

Работниците од Кина што влегоа во државата немаат коронавирус, но ќе поминат 14 дена во карантин

Двете лица од Кина, кои се работно ангажирани од кинеската компанија „Синохидро“, а кои вчера пристигнаа во државата, немаат симптоми...

Македонија1 ден

(Видео) Русковска: Адвокатите на обвинетите за организирање на 27 април предлагаат по 300 сведоци

Шефицата на Основното јавно обвинителство за организиран криминал, Вилма Русковска, по денешното рочиште за судење на организаторите на 27 април,...

Македонија1 ден

Судење за „Монструм“: Ахмети имал информации дека момчињата не биле само убиени, туку масакрирани

Лидерот на ДУИ, Али Ахмети, го почна своето денешно сведочење во случајот „Монструм“ претставувајќи се како пратеник. „За овој грозоморен...

Забава1 ден

Ѓоковиќ објави екстремен предизвик на „Инстаграм“

Српскиот тенисер Новак Ѓоковиќ објави нов предизвик на „Инстаграм“ по капењето во ледена река.   View this post on Instagram...

Свет1 ден

Дуња Мијатовиќ е против екстрадицијата на Асанж во САД

Основачот на „Викиликс“, Џулијан Асанж, не треба да биде екстрадиран во САД затоа што тоа би имало ужасен ефект врз...

Регион1 ден

Јамајка демантира дека го признала Косово

Министерката за надворешни работи на Јамајка, Камина Џонсон Смит, ја демантира изјавата на косовскиот претседател Хашим Тачи дека државата ја признала...

Свет1 ден

Нови 889 случаи на заразени од коронавирус во Кина

Во Кина се забележани 889 новопотврдени случаи на заразени од коронавирус и 118 починати. Од смртните случаи, 115 се во...

Свет1 ден

Во април почнуваат клиничките тестирања на вакцината против коронавирусот

Кон крајот на април ќе почнат клиничките испитувања на вакцината против коронавирусот, од кој во Кина починаа повеќе од 2.000...

Досие