Црна хроника
Стружанец сакал да патува со авион вооружен со пиштол
Еден стружанец се возел со автоматска пушка и пиштол и многу муниција за нив, а друг, пак, негов сограѓанин сакал да патува со авион со пиштол и 55 kуршуми
Во саботата, на регионалниот пат Струга-Охрид, полицајци од Полициската станица Струга извршиле преглед на „застава 101“ со охридски регистерски таблички кој го упраувал 29-годишен жител на струшкото село Франгово. Притоа во автомобилот било пронајдена автоматска пушка, две рамки со 700 куршуми кал. 7,62мм, еден пиштол „екол“ и 26 куршуми за истиот. Во недела наутро, пак, во пет часот на охридскиот аеродром „Свети Апостол Павле“ при преглед на патници, кај 46-годишен стружанец е пронајден пиштол „чешка зброевка“ за кој не поседувал дозвола, како и 55 куршуми за пиштолот. Засега МВР не известува за намерата на овој патник во авионот да влезе вооружен, но најверојатно не се работи за обид за киндапирање воздухоплов.И за двата случаи СВР Охрид ќе поднесе соодветни кривични пријави против вооружените стружани.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.