Црна хроника
Убиство во „Чаирчанка“
Две маскирани лица го застрелале скопанецот Седат Ј. четириесетина минути по полноќ во комплексот Чаирчанка, во Скопје.
Како што соопшти МВР, убиството се случило на улицата „Цветан Димов“ , поточно пред чајџилница „Цуфи“, утрово околу 45 минути по полноќ, кога маскираните лица, вооружени со автоматско оружје, стрелале со повеќе проектили кон 36 годишниот Седат. Тој со такси возило бил префрлен во Градската општа болница во Скопје, каде од страна на лекар била констатирана негова смрт, како последица на повеќе влезно-излезни устрелни рани нанесени од огнено оружје. Увид на местото на инцидентот извршила екипа од СВР-Скопје, а по наредба на истражен судија телото на починатиот е предадено за обдукција. Во тек се мерки за пронаоѓање на сторителите, утврдување на мотивот и за целосно расчистување на случајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.
Црна хроника
Ограбиле менувачница во Чаир, украле сеф со пари и избегале со возило без таблички
Вчера во 10.15 часот во СВР Скопје, М.Д.(42) од Скопје пријавил дека околу 04.20 часот неколку лица со употреба на сила и погоден предмет влегле во неговата менувачница на подрачје на Чаир и одзеле сеф со пари, по што заминале со патничко возило „фолксваген џета“ без регистарски ознаки.
По преземени мерки и активности, возилото било пронајдено на паркинг простор на подрачје на Чаир.
Се преземаат мерки за целосно расчистување на случајот.
Црна хроника
Скопјанец нападнал вработена во нотарска канцеларија
Скопјанец нападнал вработена во нотарска канцеларија.
На 16.04.2024 во 11.45 часот во СВР Скопје било пријавено дека во нотарска канцеларија во Скопје, Б.Ј. од Скопје физички нападнал една вработена.
Се преземаат мерки за расчистување на случајот.