Црна хроника
Запленети 2.853 штеки цигари во автомобил и во куќа на скопјанец
Скопската полиција вчера привела 36-годишен скопјанец откако при контрола на неговиот автомобил и дом пронајде и одзеде 2.853 штеки разни видови цигари без контролни маркици и со странски контролни маркици. Нема информации дали овој случај е во поврзаност со синоќешната акција во „Макдонија табак“
Дел од запленетите штеки цигари биле пронајдени при претресот на возилото „опел корса“ со скопски регистерски таблички на улицата , кое го управувал самиот осомничен со иницијали Р.Ш. Цигарите биле пронајдени во багажникот во три најлон кеси. Дел од цигарите биле без бандерола, а дел со косовски и албански бандероли. Подоцна, при претресот во домот на осомничениот, полицијата пронашла уште 42 пакета и 582 штеки разни видови цигари, или вкупно 2.682 штеки цигари без соодветни контролни маркици. Според приведениот и порано извршувал ваков вид кривични дела. Цигарите ги набавувал од Албанија, од Косово и од фришоповите во Грција, а потоа ги продавал на скопски Бит Пазар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.