Црна хроника
Притворени двајца охриѓани за препродажба на марихуана
Двете лица се изведени пред истражен судија при Основниот суд во Охрид, каде им е одредена мерка притвор во времетраење од 30 дена
Секторот за внатрешни работи од Охрид поднесе кривични пријави против лицата З.Р. роден 1984 година од селото Куратица и Т.К. роден 1988 година од селото Лескоец, поради основано сомнение дека се сториле кривични дела „неовластено производство и пуштање во промет на наркотични дроги, психотропни супстанции и прекурсори“ и „овозможување употреба на наркотични дроги, психитропни сусптанции и прекурсори“.Според соопштението на СВР – Охрид, првопријавениот на почетокот на јуни годинава од лице од Битола купил извесна количина опојна дрога марихуана, наменета за лична употреба и препродажба. Дел од дрогата, која ја сокрил во неговиот дом, З.Р. ја продал на повеќе лица од Охрид, како и на еден српски државјанин. Воедно им го отстапивал својот дом за уживање во дрогата. При претрес на неговиот дом пронајден е дел од дрогата, а првопријавениот кој бил во бегство е пронајден и приведен од инспекторите од Одделението за спречување недозволена трговија со дрога при СВР – Охрид.Второпријавениот Т.К. на почетокот на овој месец набавил одредена количина марихуана, од која продал дел на наркозависник од Охрид. Исто така и тој го отстапувал неговиот дом за уживање дрога. При извршен претрес во неговиот дом се пронајдени непродадени делови од дрогата како и семки од рестението „цаннабис сатива“.Истовремено, СВР – Охрид на потегот меѓу селата Лескоец и Лакочереј пронајде импровизиран бункер со 34 насади од индиски коноп, од кои пет засадени стебла, а останатите претходно откорнати и сокриени во селото Куратица за натамошна обработка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.