Црна хроника
Со заеднички труд да се изгради „Св. Јован Бигорски“
Државниот врв, институциите и црквата повикуваат на солидарност и заедништво за што поскора изградба на изгорените делови од „Свети Јован Крстител“, познат како Бигорски, кај Дебар
Штетата од пожарот е непроценлива особено поради фактот што пламените јазици ја однесоа библиотеката, архивата и старите списи на манастирот, што не може да се надомести. Првичната штета се пресметува на над 5,5 милиони евра.
„Светиња и светилиште, кое не знаеше припаѓање во верата, на нацијата или било каква разлика. И тагата за Бигорски верувам дека и во овој миг, нема да направи граница меѓу сите граѓани на Република Македонија“, изјави г.г Стефан, по посетата на опожарениот објект.
Тој ја повика македонска јавност да ја сфатат несреќата како можност за збратимување и сите колку можат да помогнат во возобновување на манастирот Јован Бигорски. Според него, денешната случка треба да биде предупредување за сите нас како се грижиме за нашето културно наследство оставено од генерациите пред нас. „Во овој момент државата ќе стори се да го возобнови овој манастир, што претставува културно богатство на Македонија. Луѓето од околните села, монасите, пожарникарите, без разлика на нивното верско убедување, учествувале во спасувањето на објектот“, рече претседателот на Македонија, Ѓорге Иванов.
Тој прати апел до сите што можат да помогнат да се врати она што е изгубено во пожарот.
„ Библиотеката е неповратно изгубена, но она што можеме да го вратиме да го направиме што поскоро“, додаде Иванов.
Според министерката за култура, Елизабета Канческа – Милевска, манастирот е културно наследство и спаѓа под заштита на државата.
„Државата имала, има и ќе има обврска да дава поддршка на обнова на културното богатство“, порача Канческа – Милевска од пред портите на изгорениот манастир.
Градоначалниците на општините Дебар и Маврово и Ростуше порачаа дека манастирот бил симбол на заедништво на заедниците, а дека сите заедно утрото се обидувале да го спасат од огнената стихија. Ветија дека ќе се организираат истот така и за негово обновување.
Побараа од надлежните институции зголемена ангажираност во расветлувањето на случајот и утврдувањето на причините за пожарот.
Во соопштението објавено по одржаната вонредна седница на Советот на општината се наведува дека градоначалникот и Советот целосно ќе му излезат во пресрет на монашкото братство и другите свештеници при овој манастир, особено во делот на снабдувањето со основните и секојдневни потреби.
„Советот апелира до населението да се сочува здравиот разум и да не се дозволи разгорување на нетрпеливост помеѓу верските и националните чувства во врска со овој несреќен случај“, се вели во соопштението и се додава дека е отворена жиро сметка 500000000 – 3835 – 65, депонент Стопанска банка АД Битола, на која може да се донираат средства за санирање на последиците од пожарот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Детали за кражбата на сефот во скопско Црниче: 23-годишник е еден од осомничените
Основното јавно обвинителство Скопје поведе постапка против 23-годишник осомничен за кривично дело – Тешка кражба од член 236 став 1 точка 1 од Кривичниот законик.
Ноќта меѓу 31 март и 1 април, осомничениот заедно со уште три лица, провалиле во затворен маркет на улицата „Востаничка“ во Скопје, одзеле метален сеф во вредност од 12.000 денари, дневен промет во износ од 228.000 денари и цигари вредни 45.000 денари, или се во вкупна вредност од 285.000 денари.
Со возило пристигнале пред маркетот, со употреба на погоден алат – хебла, клешти и друго делувале врз влезната врата од маркетот, но не успеале да ја отворат. Еден од сторителите го стартувал возилото и удрил со задниот дел, кршејќи ги двете лизгачки врати. Потоа заедно со останатите осомничени ги демонтирале и ги поставиле покрај влезот од маркетот. Преку така направениот отвор сега осомничениот заедно со другите лица влегол во просторијата наменета за вработени, од каде го одзеле металниот сеф со дневен промет и цигарите, па заминале во непознат правец.
Бидејќи постојат околности што очигледно укажуваат на опасност од бегство, јавниот обвинител до судијата на претходна постапка од Основниот кривичен суд Скопје достави предлог за определување мерка притвор на осомничениот. Полицијата соопшти дека работи на откривање на неговите соучесници.
Црна хроника
Казни за 153 возачи во Скопје
Секторот за внатрешни работи Скопје во текот на вчерашниот ден (18.04.2024) продолжи со контролите во областа на сообраќајот.
На територија на град Скопје изречени се вкупно 153 мерки, меѓу кои за возење повеќе од дозволената брзина 28 санкции, 13 мерки за возење без возачка дозвола, 13 санкции за прекршоци што ги прават возачите на мотоцикл, девет мерки за користење мобилен телефон при возење.
Сообраќајните контроли продолжуваат и во наредните денови, најави МВР и апелира до граѓаните да ги почитуваат сообраќајните правила и прописи за посигурни патишта.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.