Црна хроника
Домаќинот гаси, комшијата се фали
Од противпожарната единица од Гостивар стигна писмо во кое се вели дека најголемата заслуга за гаснење на пожарот има нивната екипа, а не пожарната од Дебар, како што објавија повеќе медиуми. Порталот forum.com.mk извести дека токму со гостиварската единица монасите успеале да ја спасат црквата
Заменик-командантот на Територијалната противпожарна единица – Гостивар, Арбен Велиу ја открива вистината, кому му припаѓа најголемата заслуга за гасење на пожарот во манастирот Св. Јован Бигорски.
На 30 септември околу 3.30 часот избувна пожар во манастирот Св. Јован Бигорски кој бил пријавен кај дежурниот полицаец во ПС – Ростуше во 4.30 часот и противпожарната единица во Гостивар. Исто така, случајот бил пријавен и во противпожарната единица Дебар, а во единиците на Тетово, Кичево, Струга и Скопје во 6.25 часот, чиишто екипи помогнаа во гаснењето на пожарот, а тоа е за поздравување и за пофалба, но не можеме да не спомнеме дека Дебарската противпожарна единица ги нема сите тие заслуги како што беше објавено во медиумите, бидејќи таа единица пристигна само 10 минути пред противпожарната единица од Гостивар, а со оглед дека растојанието од Гостивар до Св. Јован Бигорски е 47 км, а од Дебар само 27 км, тоа значи дека гостиварската единица се покажала многу поажурна од дебарската.
Во пожарот живи ќе изгореле деветмина монаси
Територијалната противпожарна единица – Гостивар го покрива теренот до Бошков Мост во близина на Дебар, па според тоа манастирот Св. Јован Бигорски припаѓа на територијата на старите граници на Општина Гостивар, затоа го демантираме дебарскиот градоначалник Аргтим Фида кој очигледно не знае до каде е територијата на Општина Дебар или свесно го кажува тоа за да ги придобие државните институции.
Гостиварската противпожарна единица откако ја добила веста, веднаш тргна со 2 камиона на местото на настанот во 4.30 часот, а таму пристигнаа во 5.30 минути. Во 6.00 беше наредено да тргне и третиот камион, бидејќи огнот бил многу поголем отколку што се претпоставуваше, па затоа се упати и третиот камион со вкупно 6 пожарникари, а противпожарните единици од Дебар, Кичево, Тетово, Струга, а подоцна и единицата од Скопје учествуваа со по еден камион.
Присутни беа претставници од Дирекцијата за заштита и спасување – Гостивар, директорот на Националниот парк и градоначалникот на Маврово-Ростуше и сите заедно ја следеа ситуацијата и доста добро се запознати за нашата определба како единица за спасување на Црквата да не се зафати со пожар, а не како тоа го прикажаа нашите колеги пожарникари од општина Дебар во весникот Дневник, Фидоски Абдула и Реџеп Бегунеци. Пожарникарите од општина Гостивар Милош Димитриевски и Младен Матески и веднаш по нив Фатмир Шаќири и Предраг Мојсоски по пријавата тргнаа кон Бигорски, а со третиот камион Фикрет Адеми и заменик-командирот од Гостивар Арбен Велиу. Дебарските пожарникари, во однос на нивниот број, вистината е дека учествувале со 1 камион со 2 пожарникари и командирот на дебарската единица.
Она што се вели во весникот Дневник дека биле 10 пожарникари и 2 камиона нема ништо заедничко со реалноста, а тоа може да го потврдат најдобро самите монаси меѓу кои се Отец Еразмо и Атанас. Што се однесува до сликата во весникот, се забележува присуството на заменик-командирот и пожарникарите од Единицата од Гостивар, а за истите се наведува дека се пожарникари од Дебар.
За гаснење на пожарот дојдоа 2 воени хеликоптери, кои пристигнаа во 9 часот, а полицијата од ПС Ростуше цело време коректно го обезбедуваше местото зфататено со пожар. Тие се повлекоа тогаш кога се утврди дека не постои ризик од ширење на пожарот, што значи дека држеа дежурство со нашата противпожарна екипа до 2 октомври до 18 часот кога и се повлекоа дефинитивно.Вреди да се спомене дека за Територијалната противпожарна единица на Општина Дебар, бидејќи пристигнала прва, согласно член 33 од Законот за пожарникари во кој се наведува дека: “Со гаснењето на пожарот раководи раководителот Противпожарната единица која прва започнува со гаснење на пожарот”. Но, наместо да командува со пожарот, Противпожарнта единица на Дебар се оддалечи од местото во 9.30 без да се координира со другите единици, иако за сето време акцијата се командуваше од страна на заменик-командирот на Противпожарната единица од Општина Гостивар и инспекторот на Дирекцијата за заштита и спасување – Гостивар, кој асистираше цело време во местото на настанот.
Огнот бил локализиран околу 8 часот наутро, а дефинитивно изгаснат во 17 часот. Другите противпожарни единици се повлекоа со наредба на Противпожарната единица од Гостивар, каде што продолживме да дежураме редовно се додека се утврди дека не постои ризик од ширење на огнот, и според Законот и правилникот на пожарникарите треба да се овозможи развој на истрагите на инспекторите за крим-техника и истражниот судија. Затоа противпожарната единица на Општина Гостивар држеше дежурство од гасењето на пожарот на 30 септември па се до 2 октомври.
Тоа никој не може да го негира, и токму поради таа причина граѓаните на Р.Македонија да ја знаат вистината во врска со овој случај, каде што може слободно да се рече дека ние од Противпожарната единица – Гостивар сме го имале најголемиот товар од самиот почеток па се до крајот на акцијата. Заменик-командир на ТППЕ – Гостивар Арбен Велиу Во пожарот живи ќе изгореле деветмина монаси
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Се трага по 86-годишно лице од Скопје
Вчера во 13.20 часот во Полициската станица Ѓорче Петров, С.Д.(60) од Скопје пријавил дека од домот се оддалечил неговиот татко Б.Д.(86) од Скопје.
Се преземаат мерки за пронаоѓање на лицето.
Црна хроника
Тепачка помеѓу колешки во средно училиште во Битола
На 18.04.2024 во СВР Битола, Х.Т. (28) од Битола пријавила дека во средно училиште во Битола била физички нападната од нејзината колешка.
Се преземаат мерки за расчистување на настанот.
Црна хроника
Две лица искасани од кучиња скитници во Скопје
Вчера, во 14.15 часот, во Полициската станица Карпош, Т. А. (78) од Скопје пријавила дека на улицата Петар Чаулев во Скопје била касната од куче скитник.
Истиот ден, во 21.15 часот, во Полициската станица Аеродром, Т. Т. (18) од Скопје пријавила дека на улицата Владимир Комаров во Скопје била касната од куче скитник.